སྲིད་སྐྱོང་བློ་བཟང་སེང་གེ་མཆོག་ལ་ཁོང་གིས་འདས་པའི་ལོ་གསུམ་རིང་ལས་དོན་ག་རེ་གནང་ཡོད་པ་དང་། རྒྱ་བོད་འབྲེལ་མོལ་སོགས་ཀྱི་ཐད་བཅར་འདྲི་ཞུས་ཡོད།

བོད་དོན་འཐབ་རྩོད་པ།  གླིང་ཚ་ཚེ་བརྟན་རྡོ་རྗེ་ལགས་གོམས་བགྲོད་ཐེངས་གཉིས་པའི་སྐབས་གློ་བུར་དུ་གར་སོང་ཆ་མེད་དུ་གྱུར་ནས་ལོ་གཅིག་ཕྱིན་ཡང་། ད་དུང་ཁོང་གར་སོང་གང་ཡོད་མི་ཤེས་པའི་གནས་སུ་ལྷག་ཡོད།  དེ་ཡང་ཕ་ཡུལ་མདོ་སྨད་བླ་བྲང་ནས་ཡིན་པའི་གླིང་ཚ་ཚེ་བརྟན་རྡོ་རྗེ་ལགས་ཀྱིས་ཕྱི་ལོ་༢༠༡༢ལོའི་ཟླ་༣ཚེས་༡༠ཉིན།  རྒྱ་ནག་གཞུང་ལ་དགོས་འདུན་དོན་ཚན་ལྔ་བཏོན་ནས་བཞུགས་སྒར་དྷ་རམ་ས་ལ་ནས་བོད་ཀྱི་རྒྱལ་ས་ལྷ་སའི་བར་ཞི་བའི་གོམ་བགྲོད་བྱས་ཡོད་པ་དང་། སྟབས་མ་ལེགས་པར་བལ་ཡུལ་ཉེན་རྟོག་པས་ཁོང་འཛིན་བཟུང་གིས་ཟླ་ཤས་རིང་བཀག་ཉར་བྱས་རྗེས་གློད་བཀྲོལ་བཏང་ཡོད། དེ་ནས་ཡང་བསྐྱར་ཕྱི་ལོ་༢༠༡༣ལོའི་ཟླ་༣ཚེས་༡༠ཉིན།  གླིང་ཚ་ཚེ་བརྟན་རྡོ་རྗེ་ལགས་ཀྱིས་བཞུགས་སྒར་དྷ་རམ་ས་ལ་ནས་བོད་ཀྱི་རྒྱལ་ས་ལྷ་སའི་བར་ཞི་བའི་གོམ་བགྲོད་ཐེངས་གཉིས་པ་དེ་འགོ་འཛུགས་ཀྱིས་ཉིན་༨༩འི་རྗེས་ཏེ།  ལོ་དེའི་ཕྱི་ཟླ་༦པའི་ཚེས་༨ཉིན། རྒྱ་གར་ནུབ་བྷང་གྷར་མངའ་སྡེའི་གཱ་ལོན་ཕུག་གི་སེ་རྒྱུད་གྲྭ་ཚང་ནས་ལྕགས་རྟ་དང་། བཅའ་དངོས་སོགས་བཞག་ནས་ཁོང་གར་སོང་ཆ་མེད་དུ་གྱུར་བ་རེད།

ཁོང་བོར་བརླག་ཏུ་ཕྱིན་པའི་ལོ་གཅིག་གི་ནང་དུ་བཙན་བྱོལ་གཞུང་དམངས་གཉིས་ཀས་དགོས་ངེས་ཅན་གྱི་རྩད་ཞིབ་དང་ནུས་པ་ཐོན་ཐུབ་མེད། ཁོང་གིས་རྒྱ་ནག་གཞུང་ལ་བཏོན་པའི་དགོས་དམིགས་དོན་ཚན་ལྔ་ནི།

༡༽ཆ་རྐྱེན་གང་ཡང་མེད་པར་༧གོང་ས་མཆོག་ཕྱིར་བོད་ནང་དུ་ཕེབས་སུ་འཇུག་དགོས།

༢༽ཆ་རྐྱེན་གང་ཡང་མེད་པར་༧པན་ཆེན་ཆུང་སྲིད་རིན་པོ་ཆེས་གཙོས་བོད་ཀྱི་ཆབ་སྲིད་བཙོན་མ་རྣམས་གློད་བཀྲོལ་གཏོང་དགོས།

༣༽བོད་མིར་རང་གི་སྐད་དང་ཡི་གེ་སྦྱོང་རྒྱུར་རང་དབང་སྤྲོད་དགོས།

༤༽བོད་མིར་རང་ཡུལ་གྱི་ཆོས་གོས་དང་། གོམས་གཤིས་སོགས་རང་དབང་ཆ་ཚང་སྤྲོད་དགོས།

༥༽ད་ལྟ་བོད་ནང་དུ་སྡུག་སྦྱོང་དང་། མནར་གཅོད་གཏོང་མཁན་རྒྱ་ནག་གི་དམག་མི་ཡོངས་རྫོགས་བོད་ནས་ཕྱིར་འཐེན་བྱེད་དགོས། བཅས་རེད།

དེ་རིང་གི་རང་དབང་གི་གླེང་སྟེགས་ཞེས་པའི་ལེ་ཚན་ནང་། བོད་དོན་འཐབ་རྩོད་པ། གླིང་ཚ་ཚེ་བརྟན་རྡོ་རྗེ་ལགས་གར་སོང་ཆ་མེད་དུ་གྱུར་ནས་ལོ་གཅིག་ཕྱིན་པའི་སྐབས་འདིར།  ཁོང་བོར་བརླག་མ་སོང་བའི་ཟླ་གཅིག་གི་སྔོན།  རྒྱ་གར་ནས་བོད་བར་དུ་ཞི་བའི་གོམ་བགྲོད་བྱེད་བཞིན་པའི་ལམ་དུ།  ཁོང་གི་ལས་འགུལ་སྐོར་ལ་དཔལ་ལྡན་རྒྱལ་གྱིས་གླེང་མོལ་ཞུས་པར་ཡོད་ཉན་ན་སྦྲེལ་ག་འདིར་མཐུད་རོགས  སྦྲེལ་ཐག་འདིར་མཐུད་རོགས།

 ཨ་རིའི་གྲོང་ཁྱེར་ནེའུ་ཡོག་ནང་ཡོད་པའི་ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གི་འགན་འཛིན་པད་མ་འབུམ་ལགས་དང་ མཉམ་དུ་ལ་རྩེ་དཔེ་མཛོད་ཁང་དང་། བོད་ཀྱི་དེང་རབས་རྩོམ་རིགས་སྐོར་ལ་གླེང་མོལ་བྱེད་རྒྱུ་ཡིན།  པད་མ་འབུམ་ལགས་ནི་བོད་ནང་རྒྱ་ནག་གཞུང་གི་སློབ་གསོའི་འོག་འཚར་ལོངས་བྱུང་ནས།  སྤྱི་ ༡༩༨༠ བརྒྱད་ཅུའི་ནང་།  ནུབ་བྱང་མི་རིགས་སློབ་གྲ་ཆེན་མོའི་དགེ་རྒན་གནང་མྱོང་བ་དང་།  ༡༩༨༩ ལོར།  རྒྱ་གར་ལ་བཙན་བྱོལ་དུ་འབྱོར་ནས་། བཙན་བྱོལ་བོད་གཞུང་གི་ཤེས་རིག་ལྷན་ཁང་དུ་ལས་ཀ་བྱས་ཡོད་ལ། དེ་ནས་ཨ་རྨེས་རྨ་ཆེན་བོད་ཀྱི་རིག་གཞུང་ཞིབ་འཇུག་ཁང་གསར་འཛུགས་བྱེད་མཁན་ཀྱི་གྲས་ཀྱང་ཡིན།  དེང་སྐབས་ཨ་རིའི་གྲོང་ཁྱེར་ནེའུ་ཡོག་ནང་ཡོད་པའི།  ལ་རྩེ་དཔེ་མཛོད་ཁང་གི་འགན་འཛིན་ལས་ཀ་བྱེད་བཞིན་ཡོད་པ་རེད།

བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྤེན་པ་ཚེ་རིང་མཆོག་ལ་བཅར་འདྲི་ཞུས་པ་ཡོད། ཚོགས་གཙོ་མཆོག་ལ་བོད་རྒྱའི་གྲོས་མོལ་དང་། རང་ལུས་མེ་སྲེག རྒྱལ་སྤྱིའི་སྟེང་བོད་དོན་ལས་འགུལ་སྤེལ་ཕྱོགས་དང་། དེའི་ནུས་བ། གསར་འགོད་རང་དབང་སོགས་སྐོར་ལ་བཅར་འདྲི་ཞུས་ཡོད།

༼རྡེའུ་འབུམ། བོད་ཀྱི་བུད་མེད་དཀྱུས་མ་ཞིག་གི་མི་ཚེའི་ལོ་རྒྱུས།༽ ཞེས་པའི་དེབ་དེ་ནི། ཀུན་བཟང་སྒྲོལ་མ་ལགས་ཀྱིས་ཞེད་སྣང་དང་། འཛེམས་དོགས་མེད་པར་༡༩༩༠ ནང་བོད་ཀྱི་ཨ་མདོ་ས་ཁུལ་དུ་བུ་མོ་ཆུང་ཆུང་ཞིག་གིས་དཀའ་སྡུག་ཆེ་བའི་འཚོ་བར་གདོང་ལེན་བྱས་པའི་མྱོང་ཚོར་དང་། དེ་ནས་བཙན་བྱོལ་དུ་འབྱོར་ནས་རྒྱ་གར་དུ་སྐྱབས་བཅོལ་བའི་འཚོ་བ་རོལ་བའི་ཉམས་མྱོང་། དེའི་རྗེས་ཨ་རིར་ཕེབས་ཏེ་ལུགས་སྲོལ་དང་། གོམས་གཤིས། སྐད་ཡིག་སོགས་མི་གཅིག་པའི་སྤྱི་ཚོགས་ཞིག་གི་ནང་འཚོ་བ་གསར་བ་འགོ་འཛུགས་བྱས་བའི་བརྒྱུད་རིམ་གསལ་བོར་འཁོད་ཡོད་པ་རེད།

ང་རང་གིས་ཤེས་ཚོད་ལ་ཀུན་བཟང་སྒྲོལ་མ་ལགས་ཀྱིས་བྲིས་པའི་ ༼ རྡེའུ་འབུམ།  བོད་ཀྱི་བུད་མེད་དཀྱུས་མ་ཞིག་གི་མི་ཚེའི་ལོ་རྒྱུས།༽ཞེས་པའི་དེབ་འདི་ནི། བོད་ཀྱི་བུད་མེད་དཀྱུས་མ་ལོ་ཆུང་ཞིག་གིས་མི་ཚེའི་ལོ་རྒྱུས་ཀྱི་དེབ་ཞིག་ཨ་རིའི་ནང་དབྱིན་ཡིག་ཐོག་པར་བསྐྲུན་བྱས་པ་ཐོག་མ་དེ་རེད། ཀུན་བཟང་སྒྲོལ་མ་ལགས་ནི་ལོ་ན་༣༢ ཡིན་པ་དང་། དེང་སྐབས་ཨ་རིའི་ཤར་ཕྱོགས་Maine མངའ་སྡེའི་ནང་གནས་སྡོད་བྱས་ཡོད་ལ།   ཁོང་གི་གཟའ་ཟླ་ཨེ་ཝན་དང་ཁོང་གཉིས་ལ་བུ་མོ་གཉིས་ཡོད་པ་རེད།

༼རྡེའུ་འབུམ། བོད་ཀྱི་བུད་མེད་དཀྱུས་མ་ཞིག་གི་མི་ཚེའི་ལོ་རྒྱུས།༽ ཞེས་པའི་དེབ་དེའི རྩོམ་པ་པོ་ཀུན་བཟང་སྒྲོལ་མ་ལགས་དང་མཉམ་དུ་གླེང་མོལ་བྱས་བར་ཉན་འདོད་ཡོད་ན། 

 སྦྲེལ་ཐག་འདིར་མཐུད་རོགས། 

དེང་སྐབས་འཕྲུལ་རིག་ཡར་རྒྱས་འགྲོ་བཞིན་པ་དང་བསྟུན་ནས་མི་རྣམས་ཀྱི་ཉིན་རྒྱུན་གྱི་འཚོ་བ་དང་།  ལས་དོན་བྱེད་ཕྱོགས་ལའང་། འགྱུར་བ་འགྲོ་བཞིན་ཡོད་པ་རེད། དཔེ་ཆ་པར་སྐྲུན་ལ་མཚོན་ན། རྡོ་བརྐོས་དང་།  ཤིང་བརྐོས། ལྕགས་པར། པར་སློག་རྒྱག་པ་སོགས་བརྒྱུད་རིམ་གང་མང་ཞིག་བརྒྱུད་ནས་དེང་སྐབས་༼འཕྲུལ་དེབ༽ཟེར་ཞིག་གློག་ཀླད་ནང་པར་བསྐྲུན་བྱས་ནས། ཆུ་ཚོད་སྐར་ཆ་གཅིག་གི་ནང་དྲ་ལམ་བརྒྱུད་ནས་འཛམ་གླིང་ས་ཕྱོགས་གང་སར་བཀྲམས་ཏེ་མི་སྟོང་ཕྲག་མང་པོས་ལྟ་ཀློག་ཐུབ་ཀྱི་ཡོད་པ་རེད། དེ་རིང་གི་ལེ་ཚན་འདིའི་ནང་དུ་། རྒྱ་གར་ལྷོ་ཕྱོགས་འབྲས་སྤུངས་དགོན་པར་སློ་གཉེར་གནང་བཞིན་པའི་ཞོར་ལ་འཕྲུལ་དེབ་བཟོ་མཁན། མཁྱེན་རབ་རྒྱ་མཚོ་འམ། ཤིས་ཚང་ལྗང་སྨྱུག་ལགས་དང་མཉམ་དུ་གླེང་མོལ་བྱེད་རྒྱུ་ཡིན།
 སྦྲེལ་མཐུད་འདིར་མནོན་རོགས།  

བོད་ཀྱི་གཞོན་ནུ་ལྷན་ཚོགས་ནི། བཙན་བྱོལ་བོད་མིའི་སྤྱི་ཚོགས་ཁྲོད་། གཞུང་འབྲེལ་མ་ཡིན་པའི་ཚོགས་པ་ཆེ་ཤོས་དེ་ཡིན་ལ།   བོད་ཀྱི་གཞོན་ནུ་ལྷན་ཚོགས་ཀྱིས་བོད་རང་བཙན་ཡིན་པའི་ཆབ་སྲིད་ཀྱི་ལྟ་བ་བཟུང་ཏེ། བོད་རང་བཙན་ཆེད་འཐབ་རྩོད་བྱེད་བཞིན་ཡོད་པ་རེད།
འདས་པའི་ཟླ་བ་གཅིག་ལྷག་གི་རིང་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཞོན་དོན་གྲུབ་ལྷ་དར་ལགས་དང་།  དྲུང་ཆེ་ཆོས་སྐྱིད་ལགས་རྣམ་གཉིས་བྱང་ཨ་རིའི་ནང་ཕེབས་ནས་ལས་དོན་སྤེལ་ཡོད་པ་རེད།   བོད་ཀྱི་གཞོན་ནུ་ལྷན་ཚོགས་ཀྱི་། ཚོགས་གཞོན་དོན་གྲུབ་ལྷ་དར་ཨ་རིའི་ནང་ཡོད་པའི་སྐབས་འདིར་ཨེ་ཤའི་རང་དབང་རླུང་འཕྲིན་ཁང་གིས་བཅར་འདྲི་ཞུས་བར་གཟིགས་རོགས།

བོད་མིའི་སྒྲིག་འཛུགས་ཀྱི་བཀའ་བློན་ཁྲི་བ་བློ་བཟང་སེང་གེ་ལགས་ལ་བཅར་འདྲི་ཞུས་པར་གསན་རོགས།

རྒྱ་ནག་གཞུང་གིས་བོད་ནང་བོད་མི་མང་པོ་ཞིག་ལ། རྒྱལ་ཁབ་ཁ་བྲལ་གྱི་ཉེས་འཛུགས་བྱས་ནས་བཙོན་འཇུག་བྱས་ཡོད་པའི་ཁྲོད།   སློབ་གྲའི་དགེ་རྒན་དང་།  རྩོམ་པ་པོ།   གློག་བརྙན་བཟོ་མཁན་སོགས་ཤེས་ཡོན་ཅན་གྱི་མི་སྣ་མང་པོ་ཞིག་བཙོན་འཇུག་བྱས་ཡོད་པ་རེད།      དེའི་ཁྲོད་ཀྱི་གཅིག་ནི།   འཇིགས་བྲལ་ ཞེས་པའི་དངོས་བྱུང་གློག་བརྙན་བཟོ་མཁན། དོན་གྲུབ་དབང་ཆེན་ལགས་རེད།     དོན་གྲུབ་དབང་ཆེན་ལགས་གྱིས་ ༢༠༠༨ ལོར་རྒྱལ་སྤྱིའི་ཨོ་ལེམ་ཕི་ཁི། ལུས་རྩལ་འགྲན་ཚོགས་རྒྱ་ནག་ཏུ་མ་འཚོགས་གོང་།    བོད་མི་ཁག་ཅིག་ལ་བསམ་ཚུལ་དྲིས་པའི་དངོས་བྱུང་གློག་བརྙན།  འཇིགས་བྲལ་  ཞེས་པ་བཟོ་བསྐྲུན་བྱས་པར་བརྟེན།  རྒྱ་ནག་གཞུང་གིས་ཁོང་ལ་  རྒྱལ་ཁབ་ཁ་བྲལ་གྱི་    ཉེས་འཛུགས་བྱས་ནས་ ༢༠༠༩ ལོའི ་ཟླ་བ༡༢ཚེས ༢༨ཉིན་ཟི་ལིང་།  གྲོང་ཁྱེར་འབྲིང་རིམ་མི་མང་ཁྲིམས་ཁང་གིས་  གསང་བའི་ངང་ལོ་དྲུག་གི་བཙོན་འཇུག་ཁྲིམས་ཐག་ཡོད་པ་རེད།    དོན་གྲུབ་དབང་ཆེན་ནི་ཨ་མདོ་བ་ཡན་ནས་ཡིན་པ་དང་།   ད་ལྟ་ལོ་༣༨་རེད་ལ༌།  ཁོང་གི་བཟའ་ཟླ་ལྷ་མོ་འཚོ་དང་ཕྲུ་གུ་བཞི། རྒྱ་གར་རྡ་རམ་ས་ལར་གནས་སྡོད་བྱས་ཡོད་པ་རེད།   དེང་སྐབས་ དོན་གྲུབ་དབང་ཆེན་་གྱི་གཟའ་ཟླ་ལྷ་མོ་འཚོ་ལགས་ཡོ་རོབ་དང་།  ཨ་རི་སོགས་ཕེབས་ནས་ཁོང་གི་གཟའ་ཟླ་གཙོིས་པའི་བོད་ནང་གི་ཆབ་སྲིད་བཙོན་པ་རྣམས། རྒྱ་ནག་གི་བཙོན་ཁང་ནས་།  གློད་གྲོལ་ཆེད།  རྒྱལ་སྤྱིའི་  སྤྱི་ཚོགས་གིས་ རོགས་རམ་ཡོང་བའི་འབོད་སྐུལ་བྱེད་བཞིན་ཡོད་པ་རེད།  ད་ཐེངས་ལྷ་མོ་འཚོ་ཨ་རིར་ནང་ཕེབས་ཡོད་པའི་སྐབས་འདིར།  ཨེ་ཞི་ཡ་རང་དབང་རླུང་འཕྲིན་ཁང་གི་ནང་དུ།  ཕེབས་ནས་ང་ལ་བཅར་འདྲིའི་གོ་སྐབས་གནང་པར་ཐུགས་རྗེ་ཆེ།