གནས་བསྐོར་ཟིན་ཐོ།

...now browsing by category

 

ཁ་བ་ཁྲོད་ཀྱི་ཝ་ཤིན་ཏུང༌།

Tuesday, February 9th, 2010

ཚེས་༥ཉིན་གྱི་དགོང་མོ་ནས་ཚེས་༦་ཉིན་གང་བོར་ཨ་རིའི་རྒྱལ་ས་ཝ་ཤིན་ཏུང་ལ་ཁ་བ་ཆེན་པོ་བབས། གྲོང་ཁྱེར་ནང་དུ་ཨིན་ཀྲི་ཉེར་བཞི་བབས་སོང༌། གྲོང་ཁྱེར་འདིའི་ནང་ཁ་བ་འབབ་ཚད་ཀྱི་ཟིན་ཐོ་གཏོར་མེད་ཀྱང༌། ལོ་རྒྱུས་ནང་གི་ཁ་བ་འབབ་ཚད་ཆེ་ཤོས་ཞིག་རེད།  དབུས་གཞུང་གི་ལས་ཁུངས་ཚང་མ་རེས་གཟའ་ཟླ་བ་ནས་ལྷག་པ་བར་ཛ་དྲག་གི་གུང་གསེང་བཏང་བྱུང༌། གཟའ་ཕུར་བུའི་ཉིན་ཀྱང་ལས་ཁུངས་སུ་འགྲོ་ཐུབ་མིན་ཐེ་ཚོམ་གྱི་གནས་སུ་འདུག ང་ཁ་བ་ལ་དུངས་བས།ཚེས་༧་ཉིན་པར་ཆས་ལག་ཏུ་བཟུང་ནས་ཝ་ཤིན་ཏུང་གྲོང་ཁྱེར་ནང་བསྐོར་བ་ཐེངས་གཅིག་བརྒྱབ་པ་ཡིན། ངོ་མ་འགྲོ་བསྐྱོད་ལས་སླ་བོ་མི་འདུག   རླངས་འཁོར་ཁ་ཤས་ལམ་དཀྱིལ་དུ་འགག་འདུག ང་རང་བོད་དུ་ཡོད་སྐབས་ཀྱང་ཁ་བ་འདི་འདྲའི་མཐུག་པོ་མཐོང་མ་མྱོང༌། ངའི་རླངས་འཁོར་ཀྱང་ལམ་དཀྱིལ་དུ་འགག་སྐབས། མི་སེམས་བཟང་ཁ་ཤས་མཉམ་རུབ་ཀྱིས་རོགས་རམ་འོག་ནས་ཐར་བྱུང༌།ངས་ཉེན་ཁར་མ་འཛེམས་པར་ཁ་བ་མཐུག་པོའི་ཁྲོད་གྲོང་ཁྱེར་འདིའི་ནང་བསྐོར་བསྐྱོད་བྱེད་དོན་ནི། ཁ་བའི་མེ་ཏོག་གིས་རྒྱན་པའི་གྲོང་ཁྱེར་འདིའི་རྣམ་པ་པར་རྒྱག་ཆེད་ཡིན། དེ་བས་པར་ཁག་ཅིག་ཟིན་བྲིས་ཀློག་མཁན་རྣམ་པའི་སྤྱན་ལམ་དུ་འབུལ་ཡོད།

img_2225

  རྩོམ་ཡིག་ཆ་ཚང་ལ་གཟིགས་རོགས། »

ཕྱིར་སྡོད་གནས་སུ་འབྱོར།

Sunday, October 11th, 2009

འདས་པའི་བདུན་ཕྲག་གསུམ་རིང་ཨ་རིའི་ཤར་ལྷོ་ནུབ་བྱང་གི་མངའ་སྡེ་དྲུག་གི་ནང་སོང་ནས་གྲོང་གསེབ་ཀྱི་འཕྲོད་བསྟེན་ལས་དོན་བྱེད་ཐབས་དང་ནུབ་ཕྱོགས་སྤྱི་ཚོགས་ཁྲོད་དུ་ཡོད་པའི་བོད་ཀྱི་ཆོས་དང་རིག་གཞུང་གི་བསྟི་གནས་ཁང་ཁག་ཅིག་ལ་བལྟ་བསྐོར་དུ་སོང་ནས་གནས་ཚུལ་ཅུང་ཙམ་རྒྱུས་ལོན་རྗེས་ཚེས་༡༠ཉིན་སན་ཕྭན་སེ་སི་ཁའོ་གྲོ་ཁྱེར་ནས་གནམ་གྲུར་བསྡད་དེ་ཆུ་ཚོད་ལྔ་དང་སྐར་ཉི་ཤུའི་རྗེས་སུ་ཕྱིར་རང་གི་སྡོད་གནས་ཝ་ཞིན་ཏུན་ལ་འབྱོར་ཡོད།

img_00531

སྲིད་འཛིན་ཝ་ཞིན་ཏུན་གྱི་དྲན་རྟེན་རྡོ་རིང༌།

ད་ཐེངས་བལྟ་བསྐོར་སྐབས་ལས་བྲེལ་ཆེན་པོའི་ངང་ཨ་རིའི་གྲོང་ཁྱེར་ཆེན་པོ་ཙམ་མ་ཡིན་པར།  གྲོང་བརྡལ་དང་གྲོང་གསེབ་ཁག་ཏུ་གནས་པའི་མི་རིགས་འདྲ་མིན་གྱི་འཚོ་བ་གནས་སྟངས་སོགས་ལ་ཤེས་རྟོགས་དང་སློབ་སྦྱོང་ལེགས་པོ་བྱུང༌། བདུན་ཕྲག་གསུམ་རིང་གི་བལྟ་བསྐོར་སྐབས་བུ་ཆུང་ཉི་ཟླ་ཧ་ཅང་དྲན་ལ་བུ་ཆུང་གི་ཨ་མ་ཡང་དྲན་པ་བཤད་ག་ལ་དགོས། ངའི་སྙིང་གི་བུ་ཆུང་སྐྱེས་བ་ནས་བཟུང་ཉིན་གཅིག་ལ་ཡང་ཁ་བྲལ་མ་མྱོང་ལ། ཁོང་འཇིག་རྟེན་འདིར་སླེབས་སྐབས་ཀྱི་ངུ་ངག་དང་པོ་དང༌། མིག་ཐོག་མར་ཕྱེས་ནས་ཀེམ་ཀེམ་གཡོ་བའི་ངང་འཇིག་རྟེན་ལ་ཐོག་མར་བལྟ་བའི་ངང་ཚུལ། ཁ་འགུལ་ནས་ཝོམ་ཝོམ་ཟེར་བ་སོགས་ཁ་ནས་སྐད་སྒྲ་ཐོག་མ་སྒྲོག་པ། ཡིད་དུ་འོང་བའི་ངོ་གདོང་གི་འཛུམ་མདངས་ཐོག་མ། ལག་པ་འགུལ་ནས་ཆ་དངོས་ལ་སྙོབ་པ།  རྐང་བ་འགུལ་ནས་ཨ་ཕའི་བྲང་ཁར་གཞུ་པ།    ཨོང་ཙོག་ལ་བསྡད་ནས་ཧ་ཧ་ཞེས་བགད་མོ་དགོད་པ།  སོགས་ངས་རེ་རེ་བཞིན་མཐོང་བ་དེས་ང་ལ་དགའ་སྤྲོ་ཚད་མེད་སྦྱིན། ཡིན་ནའང་ད་ཐེངས་བདུན་ཕྲག་གསུམ་རིང་ཕྱོགས་བསྐྱོད་ཀྱིས་ཕྱིར་ནང་དུ་སླེབས་སྐབས་ངའི་བུ་ཆུང་ཉི་ཟླ་གོག་ནས་འགྲོ་བཞིན་འདུག་ངའི་བུ་ཆུང་འདི་ཐེངས་དང་པོར་གོག་ནས་འགྲོ་བའི་རྣམ་འགྱུར་མཐོང་མ་ཐུབ་པར་བློ་ཕམ་བྱུང༌།  བུ་ཆུང་ཉི་ཟླ་ཡིས་གོམ་པ་ཐེངས་དང་པོར་སྤོ་བ་དེ་ངས་ངེས་པར་དུ་མཐོང་ཐུབ་པ་བྱེད་རྒྱུར་བུ་ཆུང་ཁོང་ཁས་ལེན་བྱས་པ་ཡིན།

img_1226

སན་ཕྭན་སེ་སི་ཁའོ་གྲོང་ཁྱེར།

Thursday, October 8th, 2009

ཚེས་༨་ཉིན་གདན་ཝར་གྲོང་ཁྱེར་ནས་གནམ་གྲུར་བསྡད་དེ་ཆུ་ཚོད་གཉིས་དང་ཕྱེད་ཀ་ལྷག་གི་རྗེས་སུ་ཨ་རིའི་ནུབ་ཕྱོགས་གྲོང་ཁྱེར་སན་ཕྭན་སེ་སི་ཁའོ་ནང་འབྱོར། སན་ཕྭན་སེ་སི་ཁའོ་གྲོང་ཁྱེར་ནི་ཨ་རིའི་ནུབ་ཕྱོགས་ཕྱོགས་སུ་ཡོད་ལ། གྲོང་ཁྱེར་འདིའི་ནང་མི་གྲངས་འབུམ་བརྒྱད་དང་ཁྲི་དགུ་ཙམ་ཡོད་པ་རེད།   གྲོང་ཁྱེར་གྱི་ཁོར་ཡུག་མཛེས་སྡུག་ལྡན་ཞིང་མི་རིགས་སྣ་འཛོམས་ཡིན་པས་རྒྱལ་སྤྱིའི་རང་བཞིན་གྱི་་གྲོང་ཁྱེར་ཞིག་རེད།   

img_1151

སན་ཕྭན་སེ་སི་ཁའོ་གྲོང་ཁྱེར། པར་པ་དཔལ་ལྡན་རྒྱལ།

གྲོང་ཁྱེར་འདིའི་འདབས་སུ་རྒྱ་མཚོ་ཡོད་ལ།  སྒང་དུ་རི་བོ་ཡོད་ཅིང་དབྱར་དགུན་མེད་པར་གནམ་གཤིས་དྲོད་གྲང་སྙོམས།   གྲོང་ཁྱེར་འདིའི་འཁྲིས་སུ་འཛམ་གླིང་གི་དེང་རབས་འཕྲུལ་རིག་གི་བསྟི་གནས་སི་ལི་ཁོན་ལུང་གཤོངས་ཡང་ཡོད་པ་རེད། ས་ཁུལ་འདི་རུ་བོད་མི་ཆིག་སྟོང་ཙམ་གནས་སྡོད་བྱས་ཡོད་པ་རེད།་ ལས་བྲེལ་གྱིས་མདོར་བསྡུས་ཙམ་ལས་འབྲི་མ་ཐུབ།

ན་རོ་པ་དང་ཤམ་བྷ་ལ།

Wednesday, October 7th, 2009
ཨ་རིའི་ལྷོ་ནུབ་ཀྱི་ཉིག་མེ་སི་ཁོ་མངའ་སྡེའི་ནང་ཡོད་པའི་ཨ་སྦུ་ཁོར་ཁའེ་གྲོང་ཁྱེར་ནས་གནམ་གྲུར་བསྡད་དེ་ཆུ་ཚོད་གཅིག་དང་སྐར་མ་བཅུ་ཡི་རྗེས་སུ་ཁ་ལོ་ར་རྡོ་མངའ་སྡེའི་རྒྱལ་ས་གདན་ཝར་གནམ་ཐང་དུ་འབྱོར།་  དེ་ནས་རླངས་འཁོར་ཞིག་གླས་ནས་ལམ་ལ་ཆས་ཏེ་སྐར་མ་བཞི་བཅུའི་རྗེས་སུ་སྦའོ་རྡར་གྲོང་ཁྱེར་ནང་འབྱོར། 
img_0940

སྦའོ་རྡར་གྲོང་ཁྱེར། པར་པ་དཔལ་ལྡན་རྒྱལ།

ད་ཐེངས་གྲོང་ཁྱེར་འདིར་ཡོང་དོན་གཙོ་བོ་ནི་ས་ཁུལ་འདིའི་ནང་ཡོད་པའི་ན་རོ་བ་སློབ་གཉེར་ཁང་དང༌། ཤམ་བྷ་ལ་ཆོས་ཚོགས་བསྟི་གནས་ཁང་དུ་གནས་ཚུལ་རྒྱུས་ལོན་ཆེད་ཡིན།   སྦའོ་རྡར་གྲོང་ཁྱེར་ནང་དུ་མི་གྲངས་དགུ་ཁྲི་ཆིག་སྟོང་ལྷག་གནས་སྡོད་བྱས་ཡོད་པ་དང༌།  གྲོང་ཁྱེར་འདི་ནི་ཤེས་རིག་དང་སྒྱུ་རྩལ་གྱི་གྲོང་ཁྱེར་ཞིག་ཏུ་ངོས་འཛིན་བྱེད་ཀྱི་ཡོད་པ་མ་ཟད། ཨ་རིའི་རྒྱལ་ཡོངས་སུ་ལྗང་མདོག་གི་གྲོང་ཁྱེར་ཐོག་མར་ངོས་འཛིན་བྱས་ཡོད་པས་ཁོར་ཡུག་སྲུང་སྐྱོབ་དང་། ཤིང་ནགས་འདེབས་འཛུགས་ཀྱིས་གྲོང་ཁྱེར་སྔར་ལས་ཀྱང་ལྗང་མདོག་ཅན་ཏུ་བསྒྱུར་གྱིན་ཡོད་པ་དང༌།  རྩོམ་ཡིག་ཆ་ཚང་ལ་གཟིགས་རོགས། »

ཨ་རིའི་གདོད་མའི་མི་ཡི་གནས་ཚུལ་ཟུར་ཅིག

Friday, October 2nd, 2009
img_05681
ཨ་སྦུ་ཁོར་ཁའེ་གྲོང་ཁྱེར།

ཚེས་༢༩་ཉིན་ཨིན་རྡིས་ཡ་ན་མངའ་སྡེའི་རྒྱལ་ས་ཨིན་རྡིས་ཡ་ན་པོ་ལི་ཟེ་གྲོང་ཁྱེར་ནས་གནམ་གྲུར་བསྡད་ནས་ཆུ་ཚོད་གསུམ་དང་ཕྱེད་ཀ་ལྷག་གི་རྗེས་སུ Albuquerque ཨ་སྦུ་ཁོར་ཁའེ་གྲོང་ཁྱེར་དུ་འབྱོར་། ཨ་སྦུ་ཁོར་ཁའེ་གྲོང་ཁྱེར་ནི་ཨ་རིའི་ལྷོ་ནུབ་ཀྱི་ཉིག་མེ་སི་ཁོ་མངའ་སྡེའི་ནང་གི་ཡོད་ལ། གྲོང་ཁྱེར་འདིའི་ནང་དུ་མི་ལྔ་འབུམ་ཉིས་ཁྲི་ཙམ་ཡོད་འདུག མངའ་སྡེའི་འདིའི་ནང་ཨ་རིའི་གདོད་མའི་མིའམ་ས་སྐྱེས་རྡོ་སྐྱེས་ཀྱི་མི་གྲངས་ལྡ་ཁྲི་ལྷག་རང་བཙན་ལྟ་བུའི་གནས་སྟངས་འོག་ས་ཁུལ་ཁག་བཞིའི་ནང་གནས་སྡོད་བྱས་ཡོད། ཨ་རིའི་གདོད་མའི་མི་རྣམས་ནི་བོད་མིའི་གདོང་དབྱིབས་དང་གཟུགས་བྱད་འདྲ་བོ་ཡིན་ལ། ས་ཁུལ་འདིར་ཡོད་པའི་གདོད་མའི་མི་ཡི་ལག་ཤེས་ནི་འཐག་ཐག་པ་དང༌། དངུལ་བཟོ། དེབཞིན་ས་རྫ་བཟོ་བ་སོགས་ཀྱི་ལག་ཤེས་ལ་སྙན་གྲགས་ཡོད་པ་རེད་།

img_06421

ཨ་རིའི་གདོད་མའི་མི་ཡིས་བཟོས་པའི་ས་རྫ།

ད་ཐེངས་ཡུལ་བསྐོར་ཁྲོད་གཙོ་བོར་ས་གནས་དེར་ཡོད་པའི་ཨ་རིའི་གདོད་མའི་མི་ཡི་འཕྲོད་བསྟེན་གནས་སྟངས་སྐོར་ལ་རྒྱུས་ལོན་བྱས་པ་ཡིན། ཟླ་བ་བཅུ་བའི་ཚེས༡་ཉིན་ Laguna Reservation ཨ་རིའི་གདོད་མའི་རུས་རྒྱུད་ལ་གུ་ན་ཚོ་ཁག་གི་རྒྱལ་ཕྲན་ནང་བལྟ་བསྐོར་དུ་ཕྱིན་པ་ཡིན། རང་བཙན་ལྟ་བུར་གནས་ཡོད་པའི་རྒྱལ་ཕྲན་འདིའི་ནང་དུ་ཨ་གུ་ན་རུས་རྒྱུད་ཀྱི་མི་གྲངས་བརྒྱད་སྟོང་ལྔ་བརྒྱ་གྲོང་ཚོ་དྲུག་གི་ནང་གནས་སྡོད་བྱས་ཡོད་པ་དང༌། རྒྱལ་ཕྲན་འདིའི་སྲིད་སྐྱོང་བ་གཞོན་པ་དང༌། གྲོས་ཚོགས་འཐུས་མི་ལོ་ཉེར་ལྔ་གནང་མྱོང་བའི་ སྐུ་ཞབས་སི་ཐན་ལོ་ཟེར་རོ་ཁྱིམ་དུ་སོང་ནས་ཁོང་ཚོའི་སྐད་ཡིག་རྒྱུད་འཛིན་བྱེད་ཕྱོགས་ཐད་ལ་བཀའ་མོལ་བྱུང། སྐུ་ཞབས་ལོ་ཟེར་རོ་ཡི་དབུ་སྐྲ་སླས་མ་གཉིས་སུ་སླས་ནས་ཕྲག་གཡས་གཡོན་ནས་མདུན་ངོས་སུ་དཕྱངས་འདུག་ལ། ཁོང་གིས་ཁོང་ཚོའི་སྲོལ་རྒྱུན་གྱི་ཇ་དཀར་ཡོལ་གང་ངའི་མདུན་དུ་བཞག་ནས་གསུང་རྒྱུར། ང་ཚོའི་རུས་རྒྱུད་ཚོ་ཁག་ རྩོམ་ཡིག་ཆ་ཚང་ལ་གཟིགས་རོགས། »

བོད་དང་སོག་པོའི་ནང་པའི་རིག་གཞུང་བསྟི་གནས་ཁང་།

Tuesday, September 29th, 2009

ཚེས་༢༧་ཉིན་ཉིག་ཡོག་གྲོང་ཁྱེར་ནས་མི་བཞི་བཅུ་ཙམ་གཤོངས་པའི་གནམ་གྲུ་ཆུང་ཆུང་ཞིག་ལ་བསྡད་ནས་ཆུ་ཚོད་གཉིས་དང་སྐར་མ་བཅུ་ཡི་རྗེས་སུ  Indiana་ཨིན་རྡིས་ཡ་ན་མངའ་སྡེའི་རྒྱལ་ས་Indianapolis ཨིན་རྡིས་ཡ་ན་པོ་ལི་ཟེ་གྲོང་ཁྱེར་གནམ་ཐང་དུ་འབྱོར་སོང༌།  དེ་ནས་རླངས་འཁོར་ཞིག་གླས་ནས་ཆུ་ཚོད་གཅིག་ལྷག་གི་རྗེས Bloomington སྦོ་ལོམ་མིན་ཀྲོན་གྲོང་ཁྱེར་དུ་འབྱོར།  མི་གྲངས་བདུན་ཁྲི་ཙམ་ཡོད་པའི་གྲོང་ཁྱེར་འདིའི་ནང་དུ་བོད་དང་སོག་པོའི་ནང་པའི་རིག་གཞུང་བསྟི་གནས་ཁང་ཡོད་ལ།་   ང་རང་བསྟི་གནས་ཁང་ལ་བལྟ་བསྐོར་དང༌། བསྟི་གནས་ཁང་དེའི་འགན་འཛིན་ཨ་ཀྱ་རིན་པོ་ཆེ་མཇལ་འཕྲད་བྱུང༌།

gate

བོད་དང་སོག་པོའི་ནང་པའི་རིག་གཞུང་བསྟི་གནས་ཁང་གི་སྒོ་ཆེན།

 བསྟི་གནས་ཁང་འདི་ནི་༡༩༧༩་ལོར་སྐུའི་གཅེན་པོ་སྟག་འཚེར་རིན་པོ་ཆེ་ཡིས་གསར་བསྐྲུན་གནང་ནས་བོད་ཀྱི་ཆོས་དང་རིག་གཞུང་ནུབ་ཕྱོགས་སྤྱི་ཚོགས་ཁྲོད་དར་ཁྱབ་དང་གོ་རྟོགས་སྤེལ་ཡོད་པ་རེད་ལ།   ༢༠༠༥་གོང་ས་རྒྱལ་བ་རིན་པོ་ཆེ་ཡིས་ཐད་ཀར་ཨ་ཀྱ་རིན་པོ་ཆེ་རིག་གཞུང་བསྟི་གནས་ཁང་དེའི་འགན་འཛིན་དུ་བསྐོ་བཞག་གནང་པ་དང༌།  དེ་ནས་བཟུང་བོད་ཀྱི་རིག་གཞུང་བསྟི་གནས་ཁང་ཟེར་བ་ བོད་དང་སོག་པོའི་ནང་པའི་རིག་གཞུང་བསྟི་གནས་ཁང་ཞེས་མིང་བསྒྱུར་གནང་པ་རེད།

kubum

སྐུ་འབུམ་བྱམས་བརྩེ་གླིང༌།

  བསྟི་གནས་འདི་གསར་བསྐྲུན་གནང་མཁན་སྐུའི་གཅེན་པོ་སྟག་འཚེར་རིན་པོ་ཆེ་༢༠༠༨་ལོའི་ཟླ་བ་དགུ་བའི་ནང་དགོངས་པ་རྫོགས།   ད་ཐེངས་ང་རང་ཅུང་འབྲེལ་འདྲིས་ཡོད་པའི་སྟག་འཚེར་རིན་པོ་ཆེའི་གཟིམ་ཁང་དུ་བཅར་སྐབས་ རྩོམ་ཡིག་ཆ་ཚང་ལ་གཟིགས་རོགས། »

ཉིག་ཡོག་གྲོང་ཁྱེར་དང་བོད།

Saturday, September 26th, 2009
ཚེས༢༤ནས༢༦བར་ང་རང་ཉིག་ཡོག་གྲོང་ཁྱེར་ནང་ཡོད་པའི་ཀོམ་ལོམ་པི་ཡ་སློབ་གྲ་ཆེན་མོའི་བོད་ཀྱི་ནང་ཆོས་ལ་མཁས་པ་སློབ་དཔོན་ཐར་མིན་ལ༌ཐུག་འཕྲད་དང༌།  དེ་བཞིན་བོད་ཀྱི་ཁང་པ་དང་། རོ་པིན་འགྲེམས་སྟོན་ཁང་གི་འབྲེལ་ཡོད་མི་སྣར་ཐུག་འཕྲད་ཀྱིས་གནས་ཚུལ་རྒྱུས་ལོན་དང༌།  ལྟ་བསྐོར་དུ་སོང་བ་ཡིན། གནས་ཚུལ་ཞིབ་ཚགས་འབྲི་རྒྱུར་དུས་ཁོམ་མ་བྱུང་བས་པར་གྱི་ལམ་ནས་གནས་ཚུལ་ངོ་སྤྲོད་བྱེད་འདོད་བྱུང༌། ཉིག་ཡོག་གྲོང་ཁྱེར་ནང་མི་གྲངས་ས་ཡ་བརྒྱད་དང་འབུམ་གསུམ་ལྷག་གནད་སྡོད་བྱས་ཡོད་པའི་འཛམ་གླིང་གི་གྲོང་ཁྱེར་ཆེ་ཤོས་ཞིག་ཡིན་པ་མ་ཟད།   འཛམ་གླིང་གི་དཔལ་འབྱོར་དང༌།་རིག་གཞུང་གི་ལྟེ་གནས་ཞིག་ལ་ངོས་འཛིན་བྱེད་ཀྱི་ཡོད་པ་རེད།  གྲོང་ཁྱེར་འདིའི་ནང་དུ་བོད་རིགས་མི་གྲངས་དྲུག་སྟོང་ཙམ་ཡོད།
 
 
img_0132
རོ་པིན་འགྲེམས་སྟོན་ཁང་ནི་བོད་གཙོས་པའི་ཧི་མ་ལ་ཡ་རི་བརྒྱུད་ཀྱི་རིག་དངོས་འགྲེམས་སྟོན་ཁང་ཞིག་ཡིན།
img_0175
བོད་ཁང་ནང་ཡོད་པའི་མ་ནི་འཁོར་ལོ།

བོད་ཁང་ནང་ཡོད་པའི་མ་ནི་འཁོར་ལོ།

img_0196

བྲེལ་ཟིང་ཆེ་བའི་ཉིག་ཡོག་ཁྲོམ་གཞུང་དུ་གོང་ས་མཆོག་གི་སྐུ་པར།

བྲེལ་ཟིང་ཆེ་བའི་ཉིག་ཡོག་ཁྲོམ་གཞུང་དུ་གོང་ས་མཆོག་གི་སྐུ་པར།

img_0337

རང་དབང་ལྷ་མོ།་༡༨༨༥ལོར་ཕ་རན་སིས་ཨ་རིར་རང་དབང་ཐོབ་ནས་ལོ་བརྒྱ་འཁོར་བའི་དྲན་རྟེན་ལེགས་སྐྱེས་སུ་ཕུལ་བ་དང༌། གནས་འདི་ནི་འཛམ་གླིང་གི་རང་དབང་མཚོན་པའི་གནས་ཞིག་ཏུ་གྱུར་ཡོད་པས་ལོ་ལྟར་ཡུལ་བསྐོར་བ་ས་ཡ་མང་པོ་གནས་འདིར་ཕེབས་བཞིན་ཡོད།

 

img_0110

ཉིག་ཡོག་གྲོང་ཁྱེར་གྱི་མཚན་མོའི་ཡུལ་ལྗོངས།

རེབ་གོང་སྒྱུ་རྩལ།

Wednesday, August 26th, 2009
rebkong3

རེབ་གོང་སེང་གེ་གཤོངས་དགོན་པ། པར་པ་དཔལ་ལྡན་རྒྱལ།

རེབ་གོང་སྒྱུ་རྩལ་ནི་བོད་གྱི་སྲོལ་རྒྱུན་ཐང་ཀ་དང༌།  ལྡེབས་རིས།  འཇིམ་བཟོ།  ཤིང་བརྐོས་རི་མོ་བཅས་ཀྱི་བཟོ་རྩལ་ཁྱད་དུ་འཕགས་པ་ཞིག་ཡིན། དེ་ནི་རེབ་གོང་ཤོག་ཁག་བཅུ་གཉིས་ཀྱི་ནང་ཚན་ཙེ་ཁྲེ་བཞི་ཡ་གྱལ།  རེབ་གོང་རོང་བོ་དགོན་ཆེན་གྱི་བྱང་ཕྱོགས་སུ་ཀེ་ལོ་མེ་ཀྲར་བདུན་ཙམ་གྱི་མཚམས་སུ་གྲོང་སྡེ་ཞིག་ཡོད་པ་དེའི་མིང་ལ་སེང་གེ་གཤོངས་ཟེར།  གྲོང་སྡེ་དེ་ནི་ནང་ཚན་གསུམ་དུ་དབྱེ་ཡོད་པ་ནི་སེང་གེ་གཤོངས་ཡར་འགོ་དང༌། མར་འགོ  རྒྱ་ཚང་མ་བཅས་ཡིན། གྲོང་སྡེ་དེའི་ནང་སྐྱེས་པ་ཞིག་ཡིན་ཕྱིན་བོད་ཀྱི་སྲོལ་རྒྱུན་ཐང་ཀ་དང།  ལྡེབས་རིས། འཇིམ་བཟོ།  ཤིང་བརྐོས་རི་མོ་སོགས་བཟོ་བཀོད་མི་ཤེས་མཁན་ཕལ་ཆེར་མེད་ཞེས་བརྗོད་ཆོག ཡིན་ནའང་གྲོང་སྡེ་དེའི་ཡུལ་མའི་མཆེད་ཁུངས་སྐོར་ལ་རེབ་གོང་གི་གྲོང་སྡེ་གཞན་དང་མི་འདྲ་བའི་རྩོད་གླེང་བྱེད་བཞིན་ཡོད་པས་མཁྱེན་ཡངས་པ་གང་མང་གིས་གྲོང་སྡེ་དེའི་སྐོར་ལ་དཔྱད་རྩོམ་མང་པོ་བྲིས་ཡོད་པ་རེད། དེའི་རྒྱུ་ རྩོམ་ཡིག་ཆ་ཚང་ལ་གཟིགས་རོགས། »

སྲིད་འཛིན་དྲན་རྟེན་ཁང༌།

Friday, August 7th, 2009
tj

ཨ་རིའི་སྲིད་འཛིན་གསུམ་པ་ཐོ་མ་སི་འཇར་ཕུ་སན་གྱི་དྲན་རྟེན་ཁང༌། པར་པ་དཔལ་ལྡན་རྒྱལ།

ང་རང་ཨ་རིའི་རྒྱལ་སའི་གྲོང་ཁྱེར་ནང་དུ་བསྡད་ནས་ལོ་བཅུ་གཅིག་ལྷག་འགོར་ཡོད་ལ། དེའི་རིང་འཛམ་གླིང་གི་ས་ཕྱོགས་གང་ས་ནས་བལྟ་བསྐོར་དུ་གྲོགས་པོ་སུ་འདྲ་ཞིག་ཡོང་ནའང་། རང་གི་ཐུབ་ཚོད་ཀྱིས་གྲོང་ཁྱེར་འདིའི་ནང་ཁྲིད་ནས་ཤེས་ཚོད་ཀྱིས་འགྲེལ་བཤད་རེ་རྒྱག་གིན་ཡོད། དེ་རིང་ངས་འདི་ནས་གྲོང་ཁྱེར་འདིའི་ནང་ཕེབས་མ་མྱོང་ཡང་ཟིན་བྲིས་འདིའི་ནང་ཕེབས་བཞིན་པའི་གྲོགས་པོ་ཚོར་གྲོང་ཁྱེར་འདིའི་ནང་ཡོད་པའི་ཨ་རིའི་སྲིད་འཛིན་གསུམ་པ་ཐོ་མ་སི་འཇར་ཕུ་སན་གྱི་དྲན་རྟེན་ཁང༌ངོ་སྤྲོད་མདོར་བསྡུས་ཞིག་བྱེད་འདོད་བྱུང།

ཨ་རི་སྲིད་འཛིན་(1801-1809) གསུམ་པ་ཐོ་མ་སི་འཇར་ཕུ་སན་ (Thomas Jefferson 1743-1826)  གྱི་དྲན་རྟེན་ཁང༌ནི་རྒྱལ་ས་ཝ་ཞིན་ཏོན་དུ་ཡོད། དྲན་རྟེན་ཁང་འདི་༡༩༣༩  ལོར་གསར་བཞེངས་འགོ་བཙུགས་ཀྱིས་༡༩༤༢ ཡོངས་སུ་འགྲུབ།     དྲན་རྟེན་ཁང་འདིའི་ནང་དུ་ཟངས་ཀྱི་བཟོས་པའི་སྲིད་འཛིན་ཐོ་མ་སི་འཇར་ཕུ་སན་གྱི་སྐུ་འདྲ་ཆེན་པོ་ཞིག་ཡོད། ཨ་རི་སྲིད་འཛིན་ཐོ་མ་སི་འཇར་ཕུ་སན་ནི་༡༧༧༦་ལོར་ཨ་རིའི་རང་བཙན་གསལ་བསྒྲགས་འབྲི་མཁན་ཡིན་ལ། ཁོང་ནི་ཆབ་སྲིད་པ་དང་བསམ་བློ་བ་གལ་ཆེན་ཞིག་ཡིན།

tj-2

ཟླ་བ་གསུམ་པའི་ཡུལ་ལྗོངས། པར་པ་དཔལ་ལྡན་རྒྱལ།

 ཨ་རིའི་གཞུང་གྲུབ་སྟངས་ཀྱི་རྨང་གཞིའི་བསམ་བློ་གལ་ཆེན་ཁག་ཅིག་ཁོང་གིས་བྲིས་པའི་ཨ་རིའི་རང་བཙན་གསལ་བསྒྲགས་ལས་བྱུང་ཡོད།  དཔེར་ན།  མི་ཚང་མ་འདྲ་མཉམ་ཡིན་ཟེར་བ་དང༌།  དེ་བཞིན་མི་ཚང་མ་འཚོ་གནས་དང༌། རང་དབང་།   བདེ་སྐྱིད་འཚོལ་བརྙེགས་བྱེད་ཆོག་པའི་ཐོབ་ཐང་དང་མཉམ་དུ་སྐྱེས་ཡོད་པ་རེད།  ཞེས་པ་སོགས་ནི་ཐོ་མ་སི་འཇར་ཕུ་སན་གྱི་བསམ་བློ་ཡིན།  ཁོང་ནི་གསར་འགོད་རང་དབང་ལ་ཧ་ཅང་མཐོང་ཆེན་བྱེད་མཁན་ཞིག་ཡིན། སྐབས་ཅིག་ཁོང་གིས་གསུངས་དོན།  “གལ་ཏེ་སྲིད་གཞུང་ཡོད་ཀྱང་གསར་ཤོག་མེད་པ་དང༌། ཡང་ན་གསར་ཤོག་ཡོད་ཀྱང་སྲིད་གཞུང་མེད་པ་གཉིས་ལས་འདེམས་ཁ་སྤྲད་པ་ཡིན་ན།   ངས་ཐེ་ཚོམ་གང་ཡང་མེད་པར་ གསར་ཤོག་ཡོད་ཀྱང་སྲིད་གཞུང་མེད་པ་དེ་འདེམས་ངེས་ཡིན། ཡིན་ནའང་མི་ཚང་མར་གསར་ཤོག་དེ་ཐོབ་ཐུབ་པ་དང་དེ་ཀློག་ཐུབ་པའི་ནུས་པ་ཡོད་དགོས།” ཞེས་གསུངས་ཡོད་པ་རེད།

རྩ་ཐང་གི་ལྷིང་འཇགས་དཀྲོགས་བྱུང་།

Friday, July 31st, 2009
moto
པར་པ་དཔལ་ལྡན་རྒྱལ།
ང་ཕ་ཡུལ་དང་ཁ་གྱེས་ནས་ལོ་བཅུ་ཡི་རྗེས་སུ་གྲོགས་པོ་ཞིག་དང་མཉམ་དུ་འོད་སྡེར་བརྙན་འཕྲིན་ཅིག་ལ་བལྟས་པ་ཡིན། དེའི་ནང་དུ་ལྷིང་འཇགས་ཀྱི་རྩ་ཐང་སྟེང་རྟ་ནོར་ལུགས་གསུམ་གྱིས་གང་དགར་རྩ་ཆུར་རོལ་བཞིན་པའི་སྐབས། ལྡིར་སྒྲ་ཞིག་གིས་རྩ་ཐང་གི་ལྷིང་འཇགས་དཀྲོགས་བྱུང་ལ།   ངས་སེམས་སུའང་སྐྱི་ཡ་བའི་ཞེད་སྣང་ཞིག་སླེབས་བྱུང་།  ལྡིར་སྒྲ་དེ་ནི་བོད་ལ་གྱོན་པའི་ཕོ་གསར་བཞི་མོ་ཐོ་སྦག་སྦག་ཞོན་ནས་རྩ་ཐང་དུ་བསྐོར་རྒྱུགས་བྱས་པ་དེ་རེད།
 དེ་ནས་ལོ་ངོ་བཅུ་བདུན་གྱི་རྗེས་ཏེ། ༢༠༠༦་ལོར་ཕ་ཡུལ་ལ་བསྐྱོད་སྐབས་རྩ་ཐང་དང་རི་བོ་འང་མོ་ཐོ་ཡིས་ཁེངས་འདུག མོ་ཐོས་ཁེངས་པའི་རྩ་ཐང་སྟེང་ད་དུང་ཡང་རྟ་ཁ་ཤས་ལྷག་
འདུག  img_3444 ང་རྟ་ཞིག་ལ་ཞོན་ནས་རྩ་ཐང་དུ་བསྐོར་རྒྱུགས་ཞིག་བྱེད་བསམ་ནའང༌། ང་རྟ་ར་ར་དེ་ཞོན་ནས་སྲིབ་ཁ་ལྷོད་མ་ཐག་གནམ་ལ་ལངས་ནས་ས་ལ་གཡུགས་བྱུང༌། དེ་ནས་རླངས་འཁོར་ཅིག་ལ་བསྡད་ནས་ཕྱིར་ཡོང་བ་ཡིན། ང་ཡང་འདོད་པ་མེད་བཞིན་དུ་རྩ་ཐང་གི་ལྷིང་འཇགས་དཀྲོག་མཁན་ཅིག་ཏུ་གྱུར་བ་འདིས་ངའི་སེམས་སུ་སྐྱོ་སྡུག་དང་མིག་ལ་ཆུ་མ་འཁོར། ཁྱེད་ཉིད་བོད་ཀྱི་རྩ་ཐང་སྟེང་རྟ་ལ་ཞོན་ཨེ་མྱོང༌།   ཐོ་མོ་ཞོན་ཨེ་མྱོང༌།  སེམས་ཚོར་མི་འདྲ་བ་ག་འདྲ་འདུག།