༼རང་ཡུལ་གད་པ་ཡིན་ཀྱང་སྐྱིད་༽ ཟེར་བ་ཅི་མ་བདེན།  ང་རང་མི་ལོ་བཅུ་བདུན་རིང་ས་མཐར་འཁྱམས་ནས།   གཞན་ཡུལ་འདྲ་མིན་དུ་གནས་སྡོད་འཚོ་བ་རོལ་ནའང་།   རང་ཡུལ་ཡིན་བསམ་པའི་ཚོར་བ་སྐྱེས་མ་མྱོང་། ག་དུས་ཡིན་ཀྱང་གངས་ཅན་བོད་ནི་ངའི་ཡུལ་ཡིན་བསམ་པའི་ཚོར་བ་རྡོག་རྡོག་ཞིག་སྙིང་གི་དཀྱིལ་དུ་གནས་ཡོད་པ་དེས་ང་ལ་ན་ཟུག་སྤྲདམྱོང་ལ།  སྦོབས་པ་འང་སྤྲད་མྱོང་།  ང་བོད་དང་ཁ་བྲལ་ནས་ལོ་ངོ་བཅུ་བདུན་རྗེས་ཏེ།  སྤྱི་ལོ་༢༠༠༦ ལོའི་སྤྱི་ཟླ༦ ནང་ཟི་ལིང་གནམ་ཐང་དུ་འབྱོར་དུས་ཕ་མ་གཉིས་དང་སྤུན་མཆེད་རྣམས་གཙོས་པའི་ཤ་ཉེ་རང་༤༠ ལྷག་གིས་ལག་ཏུ་ཁ་བཏགས་བཟུང་ནས་ང་ལ་སྒུག་འདུག  ངའི་ཕ་མ་གཉིས་༡༩༩༩ ལོར་ཨ་རིར་གཉེན་འཕྲད་དུ་ཕེབས་ནས་མཇལ་འཕྲད་ཀྱི་གོ་སྐབས་བྱུང་ཡོད། དེ་མིན་སྤུན་མཆེད་དང་གྲོགས་པོ་རྣམས་ངོ་ལོ་བཅུ་བདུན་རིང་མཐོང་མེད། ཟི་ལིང་གནམ་ཐང་དུ་ཕ་མ་གཉིས་གཙོས་པའི་ནང་མི་ཉེ་འབྲེལ་ཚང་མས་ང་འཐམས་ཏེ་མིག་ལས་མཆི་བ་བཞུར། ངའི་མིག་ནས་ཀྱང་རང་དབང་མེད་པར་མིག་ཆུ་བཞུར། ཨ་མས་ང་ལ་འཐམས་ནས་ངུ་ངག་གིས  “ཨ་མའི་དཔལ་ལོ།   ཁྱོད་ཐོན་དང་ང་།” ཟེར་བཞིན་ངའི་གདོང་དང་།  མགོ་ལ་ལག་པས་བྱིལ་བྱིལ་གནང་།

དགུང་ལོ་བརྒྱད་ཅུ་བརྒལ་པའི་ཨ་ཞང་གིས་ལག་གཉིས་ཀྱིས་ངའི་འགྲམ་པའི་གཡས་གཡོན་གཉིས་ལ་དམ་པོར་བསྡམས། བརྩེ་བ་དང་ཡིད་ཆེས་ཀྱིས་ཁེངས་ཡོད་པའི་མིག་ཟུང་གིས་ཐད་ཀར་ངའི་མིག་ནང་ལ་བལྟས་ནས། “ང་ཚེ་འདིར་ཁྱེད་ལ་ཐུག་གི་མ་རེད་བསམ་ཡོད།  གཅེས་ཕྲུག ཁྱོད་ཐོན་དང་ང་། ཁྱོད་ཐོན་དང་ང་།”  ཟེར།

ཟི་ལིང་དུ་སླེབས་སྐབས་ང་རང་བོད་ལ་སླེབས་ཡོད་པའི་ཚོར་བ་གང་ཡང་སྐྱེས་མ་བྱུང༌། ༼ལ་དམར་ཉག་ཁའི་ཁ་ལ༽སླེབས་དུས་ལ་ཙེ་དང་དར་ལྕོག་ཁྲོད་དུ་བསང་ཞིག་བཏང་བའི་སྐབས། ངོ་མ། ང་བོད་དུ་སླེབས་ཡོད་པའི་ཚོར་བ་ཐོག་མ་སྐྱེས་པ་དང་མཉམ་དུ་ངས་བོད་ཀྱི་ས་ཐོག་དུ་གངས་ཅན་བོད་ལ་ཕྱག་གསུམ་འཚལ་ནས་ཐོད་པ་ས་ལ་གཏུགས་ཡིན། 

གཤམ་གསལ་གྱི་བརྙན་པར་ཕྱོགས་བསྒྲིགས་འདི་ལ་གཟིགས་རོགས།

དྲན་རྟེན་རྡོ་རིང་དང་དར་ལྕོག པར་པ་དཔལ་ལྡན་རྒྱལ།

ཨ་རི་སྲིད་འཛིན་དང་པོ་(George Washington)འཇོར་རྗེ་ཝ་ཞིན་ཏོན་གྱི་དྲན་རྟེན་རྡོ་རིང་དང་དར་ལྕོག།  པར་འདི་ནི་༢༠༠༨་ལོར་ཨ་རིའི་རྒྱལ་ཡོངས་ཐང་ཆེན་དུ་འབྲུག་རྒྱལ་ཁབ་ཀྱི་རིག་གཞུང་འགྲེམས་སྟོན་སྐབས་ཀྱི་པར་ཡིན། རྩོམ་ཡིག་ཆ་ཚང་ལ་གཟིགས་རོགས། »

 གཤམ་གསལ་གྱི་པར་འདི་དག་གི་ང་རང་བོད་དང་ཁ་གྱེས་ནས་ལོ་ངོ་བཅུ་བདུན་གྱི་རྗེས་ཏེ།  ༢༠༠༦  ལོར་རང་ཡུལ་དུ་གཉེན་འཕྲད་ལ་བསྐྱོད་སྐབས་བླངས་པའི་པར་ཁ་ཤས་ཡིན།

རྨོ་རྨོ་དང་ཡང་ཚ།

ཨ་ཁུ་འབྲོག་པ།

ངའི་ཨ་ཁུ-རྟ་བོ་རྒྱལ།

ཨ་ཁུ་རི་ཁྲོད་པ།

རྩ་ཐང་གི་འབྲོག་པ།

རྩ་ཐང་གི་འབྲོག་མོ།

བུ་མོ་དང་བྱུ་རུ།

ཨ་མ་དང་བུ་མོ།

ཨ་མདོའི་མཆོད་རྟེན་རིང་མོ་དང༌། ཨ་མདོའི་རྡོ་འབུམ་སྔོ་རིས།

 ཡུལ་དེའི་གྲོང་མིའི་ཁ་རྒྱུན་དུ། གལ་ཏེ་ཁྱེད་རང་ལྷ་སར་གནས་མཇལ་དུ་ཕེབས་ཚེ། ལྷ་སའི་མི་དམངས་ཀྱིས། ཨ་མདོའི་རྡོ་འབུམ་སྔོ་རིས་ལ་མཇལ་ཡོད་དམ། ཨ་མདོའི་རྡོ རྩོམ་ཡིག་ཆ་ཚང་ལ་གཟིགས་རོགས། »

མདོ་སྨད་བྱ་ཁྱུང་དགོན་པའི་ཟུར་ཞིག

 གཡང་གཟར་འདིའི་འདབས་སུ་རྨ་ཆུ་དལ་གྱིས་འབབ་བཞིན་འདུག བྱ་ཁྱུད་དགོན་ནི་རྗེ་དོན་གྲུབ་རིན་ཆེན་གྱིས་ཕྱག་བཏབ།གངས་ཅན་མཁས་པའི་གཙུག་རྒྱན་ཙོང་ཁ་བ་ཆེན་པོའི་རིག་པའི་བློ་སྒོ་འདི་ནས་ཕྱེས།

གཤམ་གསལ་གྱི་པར་འདི་དག་གི་ང་རང་བོད་དང་ཁ་གྱེས་ནས་ལོ་ངོ་བཅུ་བདུན་གྱི་རྗེས་ཏེ།༢༠༠༦་ལོར་རང་ཡུལ་དུ་གཉེན་འཕྲད་ལ་བསྐྱོད་སྐབསབླངས་པའི་པར་ཁ་ཤས་ཡིན།

གོང་གསལ་གྱི་པར་འདི་ནི་ང་རང་སྐྱེས་ཡུལ་དང་འཚར་ལོངས་བྱུང་སའི་ལྕང་སྐྱ་སྡེ་བའི་ཞོགས་པའི་རྣམ་པ་རེད།ལྕང་སྐྱ་སྡེ་བ་ནི་བོད་ཀྱི་ཤར་ཕྱོགས་མདོ་སྨད་ཡུལ་གྱི་རེབ་གོང་ཤོག་ཁག་བཅུ་གཉིས་ཀྱི་ནང་ཚན་བསེ་ལུང་བ་གསུམ་ནང་གཅིག་ཡིན། རྩོམ་ཡིག་ཆ་ཚང་ལ་གཟིགས་རོགས། »