Palden Gyal http://www.paldengyal.com Wed, 22 May 2013 03:08:37 +0000 bo hourly 1 http://wordpress.org/?v=3.5.1 སེམས་ཚོར། http://www.paldengyal.com/?p=2083 http://www.paldengyal.com/?p=2083#comments Wed, 22 May 2013 02:50:10 +0000 དཔལ་ལྡན་རྒྱལ། http://www.paldengyal.com/?p=2083 གནམ་མཁའི་སྐར་མ་ལ་ལྟ་རྒྱུ་ནི་ང་རང་ཆེས་དགའ་ཤོས་དང་། སེམས་ལྷོད་ལ་འབབ་པའི་དུས་ཡིན། ང་རང་ཆུང་དུས། གནམ་གྱི་སྐར་མ་བལྟས་ནས་དྲན་རིག་རྒོད་པའི་རྟོག་འཆར་གྱིས་སྐར་མ་ལ་བཞོན་ནས་ངའི་མིག་ཆེན་པོ་དེ། སྐར་མ་བཞིན་ཅེར་ནས་འཇིག་རྟེན་མི་ཡུལ་ལ་བལྟས་མྱོང་། དེ་རིང་དགོང་མོ་ངས་གནམ་གྱི་སྐར་མ་ལ་བལྟས་ནས་བྱིས་དུས་ཀྱི་དྲན་སྣང་ཕྱིར་དྲན་བྱེད་སྐབས། སྐར་མདའ་ཞིག་ཤར་ཕྱོགས་ཀྱི་གནམ་མཁའ་ནས་ནུབ་ཕྱོགས་ཀྱི་ས་ལ་ཟེགས་སོང་། དེ་དང་མཉམ་དུ་ང་དང་ཆེས་སེམས་ཐག་ཉེ་བའི་རླབས་ཆེན་གྱི་གང་ཟག་ཅིག་འཇིན་རྟེན་མི་ཡུལ་དང་བྲལ་སོང་། ཁོང་ནི་ངའི་ཕ་རྒན་ཡིན། ཁོང་ནི་དུས་གཏན་དུ་ངའི་སེམས་སུ་འཕྲོ་བཞིན་པའི་སྐར་མ་འོད་ཆེན་དེ་ཡིན།

]]> http://www.paldengyal.com/?feed=rss2&p=2083 0 ཨ་ཕ་ལགས། http://www.paldengyal.com/?p=2080 http://www.paldengyal.com/?p=2080#comments Sun, 19 May 2013 14:25:59 +0000 དཔལ་ལྡན་རྒྱལ། http://www.paldengyal.com/?p=2080 imageཨ་ཕ་ལགས།
ཁྱེད་ཀྱི་བྱམས་བརྩེའི་འོད་མདངས་ཀྱིས།
ངེད་མིང་སྲིང་དགུ་ལ་སྟོབས་ཤུགས་སྦྱིན་ཅིང་།
ཁྱེད་ཀྱི་དཀའ་ངལ་ལ་གདོང་ལེན་གནང་ཕོད་པའི་སྙིང་སྟོབས་དེས།
ངེད་མིང་སྲིང་དགུ་ལ་རང་འགན་འཁུན་ལེན་པའི་སྤོབས་པ་སྦྱིན།
ཨ་ཕ་ལགས།

ཁྱེད་ནི་དུས་གཏན་དུ་ང་ཚོའི་སེམས་ཁོངས་སུ་འབར་བཞིན་པའི་ཚེ་ཐུབ་མཆོད་དེ་ཡིན།

]]> http://www.paldengyal.com/?feed=rss2&p=2080 0 གྲོགས་དམ་པ། ཁྱེད་རང་ཕེབས་སོང་། http://www.paldengyal.com/?p=2050 http://www.paldengyal.com/?p=2050#comments Mon, 08 Apr 2013 21:25:25 +0000 དཔལ་ལྡན་རྒྱལ། http://www.paldengyal.com/?p=2050 གྲོགས་དམ་པ། བློས་ཐུབ་ཀྱི་གྲོགས་པོ་ལགས།

ཁྱེད་རང་ཕེབས་སོང་། ཁྱེད་རང་དངོས་སུ་ཕེབས་སོང་བའི་གནས་ཚུལ་ཐོས་དུས། ང་རང་ཐའེ་ལན་གྱི་རྒྱལ་ས་སྦེན་ཁོག་གི་རྒྱལ་སྤྱིའི་གནམ་ཐང་ཉེ་འཁྲིས་ཀྱི་མགྲོན་ཁང་ཞིག་ཏུ་ཡོད། གྲོགས་པོ་ལགས། ཁྱེད་རང་ཕེབས་རྒྱུ་ཡིན་པ། ཁྱེད་དང་ངེད་གཉིས་ཀྱིས་སྔོན་མ་ནས་ཤེས་ཡོད་པ་ཁྱེད་ཀྱིས་ཀྱང་མཁྱེན་གསལ་རེད། ཡིན་ནའང་ཁྱེད་ཉིད་དངོས་སུ་ཕེབས་སོང་བའི་གནས་ཚུལ་དེ་མདའ་མོ་བཞིན་ངའི་སྙིང་ལ་ཕོག་བྱུང་། ངས་མིག་གཉིས་བཙུམ་ནས་མ་ཎི་འདོན་སྐབས། སྤྲིན་ནག་མཁྲིགས་པའི་ལུང་ཁུག་དོག་མོ་ཞིག་ནས་ཁྱེད་ཀྱི་སྨིན་མ་མཐུག་པའི་མིག་ཟུང་ལས་ལྷད་མེད་ཀྱི་བརྩེ་མདངས་མངོན་བཞིན་ང་ལ་བལྟས་འདུག ངས་ཁྱེད་ཀྱི་མཚན་ནས་ཐེངས་ཁ་ཤས་བོས་ནའང། ཁྱེད་ཀྱིས་ནམ་རྒྱུན་གྱི་འཛུམ་མདངས་དེ་བསྟན་ནས། ཅི་ཡང་མ་བཤད་པར་སྤྲིན་ནག་མཁྲིགས་པའི་ལུང་ཁུག་དོག་མོ་དེ་བརྒྱུད་ནས་ཕེབས་སོང་། ངས་སེམས་ཁྲལ་དང་བཅས་ཁྱེད་ཀྱི་རྗེས་དེད་ནས་ཡོང་བ་ཡིན། ཅུང་མ་འགོར་བར། སྤྲིན་ནག་མཁྲིགས་པའི་ལུང་ཁུག་དོག་མོ་དེ་ལས་བརྒལ་ནས། མཛེས་སྡུག་ལྡན་པའི་མཐའ་ཡས་པའི་རྩྭ་ཐང་ཞིག་དུ་སླེབས་བྱུང་། ངས་མུ་མཐུད་ནས་ཁྱེད་ལ་བལྟས་བསྡད་པ་ཡིན། ཁྱེད་ཀྱི་ཁ་ཕྱིར་འཁོར་ནས་ངེད་གཉིས་ཀྱི་བཤད་ཚར་མེད་པའི་བོད་ཀྱི་མདུན་ལམ་དང་། སོ་སོའི་མི་ཚེའི་སྐོར་མུ་མཐུད་དུ་གླེང་མོལ་བྱེད་རྒྱུའི་རེ་བ་བྱས་པ་ཡིན། ཡིན་ནའང་ཁྱེད་ཀྱིས་ཁ་ཕྱིར་མ་འཁོར་བར་མུ་མཐུད་དུ་མཐའ་ཡས་པའི་རྩྭ་ཐང་སྟེང་ཕེབས་སོང་། ག་ལེར་ཕེབས་སོང་། ཁྱེད་ཀྱི་གཟུགས་བརྙན་དེ་མེ་ཏོག་སྣ་མང་བཞད་ཅིང་། རི་དྭགས་སེམས་ཅན་བག་ཡངས་ངང་གནས་པའི་རྩྭ་ཐང་དེེར་ཐིམས་ནས་ངའི་མིག་ལམ་ནས་ཡལ་སོང་། ངས་མིག་ཕྱེས་དུས་མིག་ཆུ་རྡོག་རྡོག་ཞིག་མཁུར་ཚོས་བརྒྱུད་ནས་ངའི་མདུན་དུ་ཡོད་པའི IPad སྟེང་ལ་ཟེགས་འདུག

image

༡༩༩༥ ལོར་རྡ་ས། ཆབ་བྲག་ལྷ་མོ་སྐྱབས། མགོན་པོ་ཚེ་རིང་། དཔལ་ལྡན་རྒྱལ། རྡོ་རྗེ་ཚེ་བརྟན།

གྲོགས་དམ་པ། བློས་ཐུབ་ཀྱི་གྲོགས་པོ་ལགས།

ལོ་ངོ་ཉེར་ལྔའི་སྔོན་ལ། གནའ་མཁར་ཟི་ལིང་དུ། ངེད་ཚོས་ལོ་ངོ་ཉི་ཤུར་སོན་པའི་གཞོན་ནུའི་སྣང་བ་མཐོན་པའི་ལ་རྒྱ་དང་། སྤོབས་པ་ཆེན་པོས་རང་ཉིད་ཀྱི་བྲང་ཁོག་ཁུ་ཚུར་གྱིས་རྡུང་བཞིན་མི་རིགས་ཀྱི་མདུན་ལམ་གླེང་བ་ངེད་གཉིས་ཀྱིས་ག་ལ་བརྗེད།

ལོ་ངོ་ཉི་ཤུའི་སྔོན་ལ། བཙན་བྱོལ་བའི་ལྟེ་གནས་རྡ་རམ་ས་ལར་ངེད་གཉིས་ཀྱིས་བོད་ཕྲུག་ཁྱིམ་སྡེར་འགྲོ་སའི་ལམ་ཁར་ཡོད་པའི་དུར་ས་དེ་རུ། ཆང་འཐུང་ཞོར་སྙན་ངག་འབྲི་བཞིན་དོན་དངོས་དང་། རྟོག་འཆར་མཉམ་བསྲེས་ངང་འཚོ་བ་བསྐྱལ་བའི་གནས་སྟངས་དེ་ངེད་གཉིས་ཀྱིས་ག་ལ་བརྗེད།

ནུབ་ཕྱོགས་སླེབས་ནས་། རྟོག་འཆར་དང། དོན་དངོས་ཀྱི་དབྱེ་བ་ཕྱེས་ནས། འདས་ཟིན་པའི་འཚོ་བར་གླེང་བཞིན། གཅེས་ཕྲུག་གཉིས་བང་དུ་བཟུང་ནས་འདོད་བློ་ཅུང་་ཚིམས་པའི་འཚོ་བར་རོལ་རྒྱུའི་གོ་སྐབས་ཤིག་བྱུང་བ་ངེད་གཉིས་ཀྱིས་ག་ལ་བརྗེད།

ལྷག་པར་དུ། ༢༠༡༡ ལོའི་སྤྱི་ཟླ་བཅུ་བའི་ནང་། ང་ཚོ་གྲོགས་པོ་ཁ་ཤས་ས་ཐག་རིང་པོ་ནས་ཆེད་མངགས་ཁྱེད་ལ་འཚམ་འདྲིར་ཡོང་བའི་རྗེས་ནས་ད་ལྟའི་བར་གྱི་ལོ་གཅིག་ལྷག་གི་རིང་། ཁ་པར་བརྒྱུད་ནས་བོད་རྒྱའི་འབྲེལ་ལམ་དང་། མི་རིགས་འདིའི་མདུན་ལམ་གླེང་ཞོར། མི་ཚེའི་རིན་ཐང་སྐོར་རྒྱུན་དུ་གླེང་མོལ་བྱས་པ་ངེད་གཉིས་ཀྱིས་ག་ལ་བརྗེད།

སྐྱེས་བར་མགོ་རྔ་ཡོད་ཀྱང་། འཆི་བར་་མགོ་རྔ་མེད་ཅེས་པ་ལྡོག་ཐབས་ཡོད་ན། ཁྱེད་ཉིད་དི་ལྟར་ཕེབས་དོན་མེད། ང་དུས་བརྟན་དུ་ཁྱེད་དང་མཉམ་དུ་ཡོད། གྲོགས་པོ་ལགས། ངའི་མི་ཚེ་ནང་ཁྱེད་ལྟ་བུའི་གྲོགས་པོ་ཞིག་ཡོད་པ་ངའི་བསོད་ནམས་དང་བདེ་སྐྱིད་ཡིན་ལགས།

ཁྱེད་ཀྱི་གྲོགས་པོ་དཔལ་ལྡན་རྒྱལ་གྱིས།

]]> http://www.paldengyal.com/?feed=rss2&p=2050 3 ད་འདི་ལྟར་ག་ཚོད་ཅིག་འགྲོ་རྒྱུ་ཡིན་ནམ། http://www.paldengyal.com/?p=2018 http://www.paldengyal.com/?p=2018#comments Mon, 25 Mar 2013 17:49:14 +0000 དཔལ་ལྡན་རྒྱལ། http://www.paldengyal.com/?p=2018 ཁ་སང་སྤྱི་ཟླ་གསུམ་པའི་ཚེས་༢༤ཉིན། མི་གཅིག་དང་། དེ་རིང་ཚེས་༢༥ཉིན་མི་ཞིག་གིས་ཨ་མདོ་ས་ཁུལ་དུ་རང་ལུས་མེར་བསྲེགས་བཏང་འདུག   ཁོང་ཚོས་”བོད་ལ་རང་དབང་དགོས། ༧གོང་ས་མཆོག་བོད་ལ་ཕེབས་སུ་འཇུག་དགོས། “ཟེར།  རྒྱ་ནག་གཞུང་གིས་ཁོང་ཚོས་དགོས་འདུན་ལ་དགེ་མཚན་ལྡན་པའི་ཡ་ལན་ཞིག་སྤྲོད་ངེས་ཡིན་ནམ། བོད་མིའི་སྒྲིག་འཛུགས་ཀྱིས། “རྒྱ་ནག་གཞུང་གིས་བོད་ནང་ལག་བསྟར་བྱེད་བཞིན་པའི་དྲག་གནོན་གྱི་སྲིད་ཇུས་མཚམས་འཇོག་བྱས་པ་ཡིན་ན། བོད་མིས་རང་ལུས་མེར་སྲེག་མཚམས་འཇོག་ངེས་རེད།”ཟེར།རྒྱ་ནག་གཞུང་གིས་བོད་ནང་དྲག་གནོན་གྱི་སྲིད་ཇུས་མཚམས་འཇོག་བྱེད་རྒྱུ་ཚབ་ཏུ་དེ་བས་ལྡོག་ཏེ།  སྡུག་ཕྱོགས་ཀྱི་ཡ་ལན་སྤྲོད་བཞིན་འདུག ད་མུ་མཐུད་དུ་སྲེག་རྒྱུ་ཡིན་ནམ། ཉེ་ཆར་ང་རང་རང་ལུས་མེ་བསྲེགས་ནས་འདས་གྲོངས་སུ་གྱུར་བའི་མི་སྣ་ཅིག་གི་ཨ་མར་ཐུག་བྱུང་། ཁོ་མོས་ང་ལ་འཐམ་ནས་ངུས་བྱུང་། སྐར་མ་ཁ་ཤས་རིང་ལ་ངུས་བྱུང་། “ཁྱོད་ཐོན་དང་ངམ།” ཟེར་བ་ཙམ་ལས་ཚིག་གཅིག་ཀྱང་ཁ་ནས་ཐོན་མ་བྱུང་། ངས་ཀྱང་ཁོ་མོར་འཐམ་རྗེས་ལག་གཉིས་ཀྱིས་འགྲམ་པ་བསྐྱོར་ནས། “ད་མ་ངུ།” ཟེར་བ་ཙམ་ལས་ཚིག་གཅིག་ཀྱང་ཁ་ནས་ཐོན་མ་སོང་།  མིག་ལས་མིག་ཆུ་ཡང་ཐོན་མ་བྱུང་།  ངས་ཁོང་མོའི་མིག་ཆུ་འདྲེས་པའི་མིག་མདངས་ལས། སྐྱོ་སྡུག་དང་། སེམས་ཁྲལ།  ཞེད་སྣང་། ཐེ་ཚོམ  མགོ་འཐོམ་ཡོད་པའི་སྣང་བརྙན་མཐོང་བྱུང་།

ཤི་བའི་རྣམ་ཤེས་དང་། གསོན་པོའི་བླ་སྲོག་འཁོར་བའི་གནས་འདིར་ངེད་ཕ་བུ་གཉིས་ཀྱང་གསོན་པོར་སླེབས་སོང་།

ཤི་བའི་རྣམ་ཤེས་དང་། གསོན་པོའི་བླ་སྲོག་འཁོར་བའི་གནས་འདིར་ངེད་ཕ་བུ་གཉིས་ཀྱང་གསོན་པོར་སླེབས་སོང་།

ད་ཅི་ཞིག་བྱེད་དགོས་སམ། ང་ཞེད་སྣང་འདུག  རང་ལུས་མེ་སྲེག་གི་ཚ་རླབས་འདི་ཤུགས་ཆེ་རུ་འགྲོ་རྒྱུ་ཡིན་ནམ། ད་འདི་ལྟར་ག་ཚོད་ཅིག་འགྲོ་རྒྱུ་ཡིན་ནམ།

མེ་ལྕེའི་ཀློང་དུ་༧རྒྱལ་བའི་མཚན་ནས་འབོད།།

ས་ལ་འགྱེལ་ཁར་མི་རིགས་རང་དབང་འབོད།།
ཚེ་སྲོག་མེ་ལ་འཐིམས་པའི་རྣམ་ཤེས་ཀྱིས།།

མི་མངོན་དབྱིངས་ནས་བོད་ལ་ཅེར་ནས་འདུག།

]]> http://www.paldengyal.com/?feed=rss2&p=2018 0 བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཞོན་ལ་བཅར་འདྲི། http://www.paldengyal.com/?p=2015 http://www.paldengyal.com/?p=2015#comments Mon, 07 Jan 2013 16:07:17 +0000 དཔལ་ལྡན་རྒྱལ། http://www.paldengyal.com/?p=2015 བོད་ཀྱི་གཞོན་ནུ་ལྷན་ཚོགས་ནི། བཙན་བྱོལ་བོད་མིའི་སྤྱི་ཚོགས་ཁྲོད་། གཞུང་འབྲེལ་མ་ཡིན་པའི་ཚོགས་པ་ཆེ་ཤོས་དེ་ཡིན་ལ།   བོད་ཀྱི་གཞོན་ནུ་ལྷན་ཚོགས་ཀྱིས་བོད་རང་བཙན་ཡིན་པའི་ཆབ་སྲིད་ཀྱི་ལྟ་བ་བཟུང་ཏེ། བོད་རང་བཙན་ཆེད་འཐབ་རྩོད་བྱེད་བཞིན་ཡོད་པ་རེད།
འདས་པའི་ཟླ་བ་གཅིག་ལྷག་གི་རིང་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཞོན་དོན་གྲུབ་ལྷ་དར་ལགས་དང་།  དྲུང་ཆེ་ཆོས་སྐྱིད་ལགས་རྣམ་གཉིས་བྱང་ཨ་རིའི་ནང་ཕེབས་ནས་ལས་དོན་སྤེལ་ཡོད་པ་རེད།   བོད་ཀྱི་གཞོན་ནུ་ལྷན་ཚོགས་ཀྱི་། ཚོགས་གཞོན་དོན་གྲུབ་ལྷ་དར་ཨ་རིའི་ནང་ཡོད་པའི་སྐབས་འདིར་ཨེ་ཤའི་རང་དབང་རླུང་འཕྲིན་ཁང་གིས་བཅར་འདྲི་ཞུས་བར་གཟིགས་རོགས།

]]> http://www.paldengyal.com/?feed=rss2&p=2015 2 མེ་མདའ། མེ་མདའ། http://www.paldengyal.com/?p=2006 http://www.paldengyal.com/?p=2006#comments Sat, 15 Dec 2012 16:59:34 +0000 དཔལ་ལྡན་རྒྱལ། http://www.paldengyal.com/?p=2006 image1ཚེས་ ༡༤ ཉིན་རྒྱ་ནག་ནང་མི་ཞིག་གིས་སློབ་གྲྭའི་བྱིས་པ་ཚོར་གྲིས་བརྒྱབས་ནས་ཕྲུ་གུ་ ༢༢ རྨས་སྐྱོན་ཕོག་ཡོད་ལ།   ཉིན་དེར་ཨ་རིའི་ནང་མི་ཞིག་གིས་སློབ་གྲྭའི་བྱིས་པ་ཚོར་མེ་མདས་བརྒྱབས་ནས་ཕྲུ་གུ་ ༢༠ དང་མི་རྒན་པ་༦ བསད་ཡོད་པ་རེད། མི་དེ་གཉིས་ཆ་རྒྱུན་ལྡན་མ་ཡིན་པ་གཅིག་མཚུངས་ཡིན་ནའང་།  བེད་སྤྱོད་བཏང་བའི་ལག་ཆ་མ་འདྲ་བས་མཇུག་འབྲས་མ་འདྲ་བྱུང་བ་མ་ཡིན་ནམ། ཨ་རིའི་སྲིད་དོན་ཚོས།  མེ་མདའ་སྟངས་འཛིན་བྱེད་རྒྱུའི་བློ་སྟོབས་ག་དུས་རྙེད་དམ། ]]> http://www.paldengyal.com/?feed=rss2&p=2006 0 ཞེད་སྣང་འདུག http://www.paldengyal.com/?p=2003 http://www.paldengyal.com/?p=2003#comments Mon, 03 Dec 2012 02:52:31 +0000 དཔལ་ལྡན་རྒྱལ། http://www.paldengyal.com/?p=2003 གོང་ས་མཆོག

གོང་ས་མཆོག

རང་ལུས་མེ་བསྲེགས་བཏང་བའི་བོད་མི ༩༠ལྷག་གི་དགོས་འདུན་ལ།  རྒྱ་ནག་གཞུང་གིས་ཡོངས་གྲགས་ངང་བསམ་བློ་གཏོང་གྱིན་ཡོད་པའི་རྣམ་འགྱུར་ཞིག་སྟོན་སྲིད་དམ། ༧གོང་ས་མཆོག་གིས་རང་ལུས་མེར་སྲེག་མཚམས་འཇོག་གི་འབོད་སྐུལ་མ་གནང་བར་དུ། མུ་མཐུད་དུ་རང་ལུས་མེ་སྲེག་གཏོང་ངེས་རེད་བསམ་ནས་ང་རང་ཞེད་སྣང་འདུག

]]> http://www.paldengyal.com/?feed=rss2&p=2003 0 རང་ལུས་མེར་སྲེག་མཚམས་འཇོག་ཡོང་བར་འབོད་སྐུལ། http://www.paldengyal.com/?p=1994 http://www.paldengyal.com/?p=1994#comments Thu, 29 Nov 2012 19:24:26 +0000 དཔལ་ལྡན་རྒྱལ། http://www.paldengyal.com/?p=1994 image4རེབ་གོང་གི་བླ་མ་དགེ་བཤེས་དང་། རྒན་རྒོན་རྣམས་ཀྱིས་རང་ལུས་མེ་སྲེག་མཚམས་འཇོག་ཡོང་བར་འབོད་སྐུལ་ཡི་གེ་ཞིག་བཀྲམས་འདུག
ད་ལྟའི་བར་དུ་བོད་ནང་དུ་བོད་མི་  ༨༩ ཡིས་གོང་ས་རྒྱལ་བ་རིན་པོ་ཆེ་བོད་ལ་ཕེབས་སུ་འཇུག་དགོས།  བོད་ལ་རང་དབང་སྤྲོད་དགོས་ཞེས་རྒྱ་ནག་གཞུང་ལ་དགོས་འདུན་འདོན་བཞིན།  རང་ལུས་མེར་བསྲེགས་བཏང་ནས་རྒྱ་ནག་གཞུང་སྲིད་ཇུས་ལ་ངོ་རྒོལ་བྱས་ཡོད་པ་རེད།  ཡིན་ནའང་། རྒྱ་ནག་ཕྱོགས་ནས་ཁོང་ཚོའི་རེ་འདུན་ལ་ཉན་རྒྱུའི་ཚབ་ཏུ་བོད་ནང་དུ་དམ་དྲག་ཇེ་ཆེར་གཏོང་བཞིན་ཡོད་པ་རེད།
རང་ལུས་མེ་སྲེག་གཏོང་མཁན་ཚོའི་ཁྲོད། ཉེ་ཆར་རེབ་གོང་ས་ཁུལ་དུ་རང་ལུས་མེར་བསྲེགས་བཏང་ནས་རྒྱ་ནག་གཞུང་ལ་ངོ་རྒོལ་བྱེད་མཁན། མི་གྲངས་བཅུ་ལྷག་བྱུང་ཡོད་པས།  ཚེས་༡༩ ཉིན། རེབ་གོང་གི་དགོན་པ་སོ་སོའི་བླ་མ་དགེ་བཤེས་ལས་ཀྱི་སྣེ་མོ་ཡོངས་དང་།  སྡེ་བ་ཡོངས་ཀྱི་རྒན་རྒོན་བསམ་ཤེ་ཅན་བཅས་ནས་ལྷག་བསམ་རྣམ་དག་གིས།  རང་རིགས་སྐྱ་སེར་རྒན་གཞོན་ཡོངས་ལ་ཕངས་སེམས་དང་།  རེ་བ་ཆེན་པོས་སྙན་བསྐུལ་ཞུ་རྒྱུ། ཞེས་པའི་ཡིག་ཆ་ཞིག་རེབ་གོང་གི་ས་ཕྱོགས་གང་སར་བཀྲམས་ནས་རང་ལུས་མེར་བསྲེགས་མཚམས་འཇོག་ཡོང་བར་འབོད་སྐུལ་ཞུས་འདུག  འབོད་སྐུལ་ཡི་གེ་དེའི་ནང་།   རིན་ཐང་བྲལ་བའི་འགྲོ་བ་མིའི་ལུས་རྟེན་བཟང་བོ་འདི་ལྟ་བུ་སྔོན་བསགས་བསོད་ནམས་ཀྱི་མཐུ་ལས་ད་རེས་ལན་གཅིག་ཙམ་རྙེད་པ་འདི།   སྐྱོ་སྡུག་འཕྲལ་རྐྱེན་གྱིས་དབང་གིས་མི་གཏོང་བར། རང་དང་འགྲོ་བ་ཡོངས་ལ་ཕན་བདེ་རྒྱ་ཆེན་པོ་སྒྲུབ་ཐུབ་པའི་ཐབས་སུ་ད་དུང་ཡུན་རིང་བོར་བེད་སྤྱོད་གཏོང་རྒྱུའི་སེམས་ཤུགས་ངེས་ཅན་དུ་ཡོད་དགོས་།  ཞེས་དང་། ཡང་འབོད་བསྐུལ་ཡི་གེ་དེའི་ནང། རང་གཞན་ཀུན་ལ་སྡུག་བསྔལ་ཉིས་བརྩེགས་ཀྱི་ཐབས་སྐྱོ་བའི་གནས་ཚུལ་འདི་རིགས་མྱུར་དུ་མཚམས་འཇོག་ཡོང་བར་སྤྱི་ཚོགས་ལ་ཤ་ཚ་བ།   མིའི་ཚེ་སྲོག་ལ་ཤ་ཚ་བའི་ཀུན་སློང་རྣམ་དག་གིས་པུས་མོ་ས་ལ་བཙུགས།  ཐལ་མོ་སྙིང་གར་སྦྱར་ཏེ།   ནག་ཐིག་བྲལ་བའི་སེམས་ཀྱི་རེ་བ་དཀར་བོ་ཕུར་ཚུགས་སུ་ཞུ་བ་ལགས་།  ཞེས་དང་།  ཡང་འབོད་བསྐུལ་ཡི་གེ་དེའི་ནང་དུ།  རིང་མིན་འཕྲལ་དུ་སེལ་འོས་ཤིང་སེལ་དགོས་པའི་སྤྱི་ཚོགས་དང་།  མི་རིགས་ཀྱི་རྒྱུན་འབྱམས་ཀྱི་གནད་དོན་གྱི་རིགས་དང་། མི་རིགས་ཀྱི་བདེ་སྡུག་ལ་ངེས་པར་དུ་འགན་ཁུར་དགོས་པའི་རེ་སྐུལ་ནན་མོ།  ང་ཚོས་སེམས་ཤུགས་ཆེར་བསྐྱེད་རང་ནུས་ཡོད་རྒུ་བཏོན་ཏེ་ཞུ་རྒྱུ་ཡིན
གཞན་ཡང་། ཉེ་ཆར འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལས་ཁང་གི་འགན་འཛིན་གྱིས།  བོད་ནང་གི་བོད་མི་ཚོ་འུ་ཐུག་གི་ངང་ནས།  རང་ལུས་མེར་བསྲེགས་ཀྱི་ལས་འགུལ་སྤེལ་ཀྱིན་ཡོད་པར་ངོས་འཛིན་བྱེད་ཀྱི་ཡོད། རྒྱ་ནག་གཞུང་ལ་བོད་མིའི་དཀའ་སྡུག་སེལ་ཐབས་གནང་དགོས་པའི་ནན་སྐུལ་ཞུས་པ་དང་འབྲེལ་བོད་མིས་ཚོས་རང་ལུས་མེ་བསྲེགས་མ་ཡིན་པར་ཐབས་ལམ་གཞན་བརྒྱུད་ནས་སེམས་ཚོར་སྟོན་རོགས་ཞེས་འབོད་སྐུལ་གནང་འདུག ཡང་རྒྱལ་བ་ཀརྨ་པ་མཆོག་གིས་ཟླ་ཤས་སྔོན། རྒྱ་ནག་གཞུང་གིས་བོད་དོན་ཐོག་གཏན་འབེབས་བྱས་པའི་སྲིད་བྱུས་དག་ལ་བསྐྱར་ཞིབ་དང་། བོད་མི་མང་གི་ཁྲིམས་མཐུན་གྱི་རེ་སྨོན་ལ་ཉན་དགོས་པའི་རེ་སྐུལ་དང་འབྲེལ།   ནང་པས་ཚེ་སྲོག་ལ་གཅེས་འཛིན་བྱེད་པ་ཇི་བཞིན།  ང་ཚོས་དོན་ལྡན་གྱི་རྒྱལ་ཁ་ལེན་ཆེད། ངེས་པར་དུ་རང་རང་གི་ཚེ་སྲོག་ལ་བདག་གཅེས་བྱ་དགོས་།  བོད་མི་མང་གིས་རང་གི་ཚེ་སྲོག་ལ་གཅེས་སྤྲས་ཀྱིས་ཐབས་ལམ་གཞན་པ་བཙལ་ཏེ། དགེ་མཚན་ལྡན་པའི་ལམ་ནས་བོད་ཀྱི་ལས་དོན་བསྒྲུབ་དགོས་ཞེས་འབོད་སྐུལ་གནང་ཡོད་ ཡང་བོད་མིའི་སྒྲིག་འཛུགས་ངོས་ནས༌། བོད་མི་རྣམས་ཀྱིས་ཡུན་རིང་ནས་དཀའ་ངལ་མྱངས་དང་མྱོང་བཞིན་པར་བརྟེན། ད་ཆ་རང་ལུས་མེར་སྲེག་གཏོང་རྒྱུས་མཚོན་པའི་འུ་ཐུག་ཐབས་ཟད་ཀྱིས་རྒྱ་ནག་གཞུང་ལ་ངོ་རྒོལ་གྱི་ལས་འགུལ་བཞིན་ཡོད་པ་རེད་།  ཡིན་ནའང་། བོད་མི་ཚོས་རང་ལུས་མེ་སྲེག་ཐེ་བའི་། ཉེན་ཚབས་ཅན་གྱི་ལས་འགུལ་རིགས་མ་སྤེལ་རོགས་ཞེས་ཐེངས་མང་འབོད་སྐུལ་བྱས་འདུག  དེབཞིན་ཨ་རིར་ཡོད་པའི་སྐུ་འབུམ་དགོན་པའི་དགོན་བདག་ཨ་ཀྱྰ་རིན་པོ་ཆེ་དང་། པེ་ཅིན་ཏུ་ཡོད་པའི་རྩོམ་པ་པོ་གྲགས་ཅན་འོད་ཟེར།   སྙན་ངག་པ་དགའ་བདེ་ཚེ་རིང་བཅས་ཀྱིས་བོད་མི་ཚོར། རང་ལུས་མེ་སྲེག་གི་ལས་འགུལ་མ་སྤེལ་རོགས་ཞེས་འབོད་སྐུལ་བྱས་ཡོད་པ་རེད།
]]> http://www.paldengyal.com/?feed=rss2&p=1994 0 མེ་ལྕེའི་ཀློང་གི་རྣམ་ཤེས། http://www.paldengyal.com/?p=1991 http://www.paldengyal.com/?p=1991#comments Sun, 25 Nov 2012 13:05:27 +0000 དཔལ་ལྡན་རྒྱལ། http://www.paldengyal.com/?p=1991 མེ་ལྕེའི་ཀློང་དུ་༧རྒྱལ་བའི་མཚན་ནས་འབོད།།
ས་ལ་འགྱེལ་ཁར་མི་རིགས་རང་དབང་འབོད།།
ཚེ་སྲོག་མེ་ལ་ཐིམ་པའི་རྣམ་ཤེས་ཡིས།།
མི་མངོན་དབྱིངས་ནས་བོད་ལ་ཅེར་ནས་འདུག།
]]> http://www.paldengyal.com/?feed=rss2&p=1991 1 མ་བུ་གཉིས་ཀྱི་ཁ་བརྡ། http://www.paldengyal.com/?p=1987 http://www.paldengyal.com/?p=1987#comments Sun, 25 Nov 2012 12:44:41 +0000 དཔལ་ལྡན་རྒྱལ། http://www.paldengyal.com/?p=1987 ངའི་བཟའ་ཟླ་དང་། ལོ་བཞིར་སོན་ལ་ཉེ་བའི་བུ་གཉིས་ཀྱིས་ཁ་བརྡ་བྱེད་བཞིན་འདུག
ངས་ཉན་པ་ཡིན།
བུ་ཡིས་ཨ་མར། “ངའི་སྤོ་སྤོདང་།  རྨོ་རྨོ་གཉིས་ང་ལ་དགའ་བོ་མེད་པ་ཨེ་རེད།” ཞེས་དྲིས།
“གཅེས་ཕྲུག ཁྱེད་ཀྱིས་དེ་ལྟར་བསམ་དོན་ཅི་ཡིན།” ཞེས་ཨ་མས་དོ་སྣང་ཆེན་པོས་ངང་དྲིས་བྱུང་།
བུ་ཡིས། “རྒྱུ་མཚན་ནི་ངའི་སྤོ་སྤོ་དང་།   རྨོ་རྨོ་གཉིས་ང་ལ་ཐེངས་གཅིག་ཀྱང་ལྟ་རུ་ཡོང་མ་སོང།” ཟེར།
ཨ་མས་ལན་ཅི་ཡང་མ་བཏབ་པར་ཁུ་སིམ་མེར་གྱུར།
སྐབས་དེར་ངས་མ་བུ་གཉིིས་ལ་ཤེས་སུ་མ་འཇུག་པར་རང་གི་མིག་ཆུ་ཕྱིས་པ་ཡིན།
ཡུད་ཙམ་རྗེས་སུ།   ཨ་མས། “གཅེས་ཕྲུག   ཁྱེད་ཀྱི་སྤོ་སྤོ་དང་།  རྨོ་རྨོ་གཉིས་ཁྱེད་ལ་ཞེ་དྲག་དགའ་བོ་ཡོད་པ་མ་ཟད།  ཁོང་གཉིས་ཀྱིས་ཁྱེད་ཞེ་དྲག་དྲན་བཞིན་ཡོད་པ་རེད།” ཟེར།
“ཁོང་གཉིས་གང་དུ་ཡོད་པ་རེད།” ལོ་བཞི་ལ་སོན་གྲབས་ཡོད་པའི་བུ་ཡིས་ཤེས་འདོད་ཆེན་པོའི་ངང་དྲིས།
ཨ་མས། ＂ཁྱེད་ཀྱི་སྤོ་སྤོ་དང་།   རྨོ་རྨོ་གཉིས།  བོད་ཅེས་པའི་ཆེས་མཐོ་བའི་འཛམ་གླིང་གི་རྩེ་མོར་ཡོད་པ་རེད།”ཅེསལན་བཏབ།
” ཨོ།  ང་ལ་ཐབས་ཤེས་ཞིག་འདུག   ང་ཚོ་ཐད་འཕུར་གནམ་གྲུར་བསྡད་ནས་སྤོ་སྤོདང་།   རྨོ་རྨོ་གཉིས་ལ་བལྟ་རུ་འགྲོ།” ཟེར།
ཨ་མས་བུ་ལ་འཐམ་ནས་ངུས་བྱུང་།
ངས་ཁོང་གཉིས་ལ་ཤེས་སུ་མ་འཇུག་པར་ཡར་སྐྱར་རང་གི་མིག་ཆུ་ཕྱིས་པ་ཡིན།
A conversation between a mom and a son.
My wife and almost four year old son talking.
I am listening to them carefully.
Son says to Mom, “I think my grandparents don’t love me”
“Honey, what makes you think like that?” says Mom, curiously.
“Because they never visited me.”
Mom was silent.
I wiped a tear without them seeing.
After a while, Mom replied “Sweetheart, your grandparents love you so much and they miss you so much.”
Then he asked “Where are my grandparents?”
“Tibet, they live on the top of the world.”
” Wow! I have an idea, we can take a helicopter and visit them.”
Mom hugged him and cried.
Another tear dropped from my eye.
]]> http://www.paldengyal.com/?feed=rss2&p=1987 0