January, 2010

...now browsing by month

 

ཁིན་གྱི་འཁྲུངས་སྐར། ང་ལ་རྨི་ལམ་ཞིག་ཡོད།

Tuesday, January 19th, 2010

ཟླ་བ་འདིའི་ཚེས༡༨་ཉིན་ནི་ཨ་རིའི་རྒྱལ་ཡོངས་སུ་སློབ་དཔོན་མར་ཊིན་ལུ་ཐར་ཁིན་མཆོག་གི་འཁྲུངས་སྐར་གུང་གསེང་དགའ་སྟོན་ཉིན་མོ་ཡིན། ཨ་རིའི་ནང་སྤྱི་འབངས་ཀྱི་ཐོབ་ཐང་རྩོད་ལེན་བྱེད་མཁན་སློབ་དཔོན་མར་ཊིན་ལུ་ཐར་ཁིན་མཆོག་ནི་༡༩༢༩ལོའི་ཟླ་བ་བདུན་པའི་ཚེས་༡༥་ཉིན་སྐུ་འཁྲུངས།  ༡༩༨༣་ལོར་ཨ་རིའི་གྲོས་ཚོགས་ཀྱིས་མང་མོས་ཐག་གཅོད་ལྟར།  ཨ་རིའི་སྲིད་འཛིན་རོ་ནོ་རྡུ་རུས་རྒན་གྱིས་ལོ་ལྟར་ཟླ་བ་དང་པོའི་བདུན་ཕྲག་གསུམ་པའི་རེས་གཟའ་ཟླ་བའི་ཉིན་སློབ་དཔོན་མར་ཊིན་ལུ་ཐར་ཁིན་མཆོག་ལ་བརྩི་བཀུར་མཚོན་ཆེད་རྒྱལ་ཡོངས་གུང་གསེང་ལ་གཏན་འབེབས་བྱས་པའི་ཁྲིམས་གཞི་མཚན་རྟགས་བཀོད།  ༡༩༨༦་ལོ་ནས་བཟུང་ལོ་ལྟར་ཟླ་བ་དང་པོའི་བདུན་ཕྲག་གསུམ་པའི་རེས་གཟའ་ཟླ་བའི་ཉིན་ཨ་རིའི་རྒྱལ་ཡོངས་སུ་སློབ་དཔོན་མར་ཊིན་ལུ་ཐར་ཁིན་མཆོག་གི་འཁྲུངས་སྐར་གུང་གསེང་དགའ་སྟོན་རོལ་བཞིན་ཡོད། 
སློབ་དཔོན་མར་ཊིན་ལུ་ཐར་ཁིན་མཆོག་ནི་འཚེ་མེད་ཞི་བའི་ཐབས་ལམ་ལ་ཡིད་ཆེས་བརྟན་པོའི་ངང་སྤྱི་འབངས་ཀྱི་ཐོབ་ཐང་རྩོད་ལེན་གནང་མཁན་ཞིག་ཡིན་ལ།  ༡༩༦༣ལོའི་ཟླ་བ་ ༨་ཚེས་༢༨་ཉིན་ཨ་རིའི་རྒྱལ་ས་ཝ་ཤིན་ཊོན་གྱི་རྒྱལ་ཡོངས་ཐང་ཆེན་དུ་མི་གྲངས་ཉིས་འབུམ་ལྷག་གིས་སྤྱི་འབངས་ཀྱི་ཐོབ་ཐང་རྩོད་ལེན་ཆེད་ཞི་བའི་གོམ་བགྲོད་གནང་སྐབས།  སློབ་དཔོན་མར་ཊིན་ལུ་ཐར་ཁིན་གྱིས་ ༼ང་ལ་རྨི་ལམ་ཞིག་ཡོད།༽ཅེས་པའི་གསུང་བཤད་གནང་ཡོད།  གསུང་བཤད་འདི་ནི་ཕལ་ཆེར་སློབ་དཔོན་མར་ཊིན་ལུ་ཐར་ཁིན་གྱིི་སྙན་གྲགས་ཆེ་ཤོས་ཀྱི་གསུང་བཤད་དེ་ཡིན་ལ།

ང་ལ་རྨི་ལམ་ཞིག་ཡོད་ཅེས་པའི་གསུང་བཤད་བོད་ཡིག་ཐོག་གཟིགས་རོགས།

བོད་ཕྱི་ནང་གི་དྲ་རྒྱ་བཀག་འགོག

Friday, January 15th, 2010

དེང་སྐབས་བོད་ནང་གི་རྒྱུགས་ཆེ་བའི་བོད་ཡིག་དྲ་ཚིགས་མང་པོ་ཞིག་ཕྱི་ལོག་ནས་བལྟ་མི་ཐུབ་པའི་དཀའ་ངལ་ཞིག་འཕྲད་འདུག དཀའ་ངལ་འདི་ནི་གསར་བ་གང་ཡང་མིན། གནས་ཚུལ་མཁོ་སྤྲོད་ལ་སྟངས་འཛིན་བྱེད་ཐུབ་མིན་ནི་རྒྱ་ནག་གུང་ཁྲན་ཏང་གི་སྲིད་གཞུང་གནས་ཐུབ་མིན་ལ་འབྲེལ་བ་ཆགས་ཡོད་པས། འདས་པའི་ལོ་ཁ་ཤས་རིང་བོད་ཡིག་ཙམ་མ་ཡིན་པར་རྒྱ་ཡིག་གི་དྲ་རྒྱ་ཁ་ཤས་ལའང༌། རྒྱ་ནག་གཞུང་གིས་བཏགས་ལྷོད་ཐེངས་མང་བྱས་ཡོད། ལྷོད་པའི་དུས་སུ་བོད་ཕྱི་ནང་གཉིས་ཀྱི་དྲ་རྒྱ་བེད་སྤྱོད་བྱེད་མཁན་རྣམས་ཀྱིས་ཕན་ཚུན་གྱི་བསམ་ཚུལ་བརྗེ་རེས་དང༌། ཕན་ཚུན་ལ་གནས་ཚུལ་མཁོ་སྤྲོད་བྱས་ནས་མིའི་རྣམ་དཔྱོད་བེད་སྤྱོད་གཏོང་བར་རམ་འདེགས་བྱས་ཡོད། འགྲོ་བ་མི་སུ་ཡིན་ཀྱང་རང་ཉིད་ཀྱི་རྣམ་དཔྱོད་བེད་སྤྱོད་གཏོང་རྒྱུར་གནས་ཚུལ་གང་ཡིན་ཡང་ཕྱོགས་ཡོངས་ལ་རྒྱུས་ལོན་བྱེད་རྒྱུ་གལ་ཆེན་པོ་རེད། མིའི་རྣམ་དཔྱོད་བེད་སྤྱོད་གཏོང་བ་ལ་རང་དབང་ངང་གནས་ཚུལ་ཤེས་རྟོགས་བྱེད་ཆོག་པའི་ཐོབ་ཐང་ཞིག་འགྲོ་བ་མི་ཡོངས་ལ་ཅི་ནས་དགོས་པ་ཡིན་མོད། འོན་ཀྱང།བོད་ནང་དུ་ཐོབ་ཐང་དེའང་མེད་པ་མ་ཟད།གནས་ཚུལ་རྒྱུས་ལོན་བྱས་པ་ཙམ་གྱིས་ཉེས་པ་ཕོག་པའི་ཉེན་ཁ་ཡོད། བོད་ནང་དུ་ཕྱི་ཕྱོགས་ཀྱི་དྲ་རྒྱ་སོགས་བཀག་འགོག་བྱེད་བཞིན་པ་ཐད་ཉེ་ཆར་ང་ལ་བོད་ནས་ཡི་གེ་ཞིག་འབྱོར་བ་འདི་ལྟར།

དཔལ་ལྡན་རྒྱལ་ལགས།
བདེ་མོ། ཁྱོད་ཚོའི་དྲ་ཚིགས་དང་ཡང་ན་ཕྱི་ལོགས་ཀྱི་ཆབ་སྲིད་དང་འབྲེལ་བའི་དྲ་ཚིགས་ཡོངས་བོད་ནང་ན་བལྟ་ཐུབ་གི་མི་འདུག དམར་ཕྱོགས་ཚང་གིས་དེ་ལ་ཤུགས་གནོན་ཆེན་པོས་འགོག་བཞིན་ཡོད། ཕྱི་སྡོད་དང་ནང་སྡོད་གྱི་བོད་མིའི་བར་ལ་འགལ་ཟླ་དང་བར་ཐག་འབྱུང་རྒྱུ་དེ་ཁོ་ཚོའི་ཐབས་ལམ་ཅིག་རེད། དེ་ང་ཚོས་སྔོན་ནས་ཤེས་ཡོད། ཐབས་ཤེས་འདྲ་མིན་གྱིས་མཚམས་མཚམས་ཕྱིའི་དྲ་ཚིགས་ལབལྟ་གི་ཡོད། ཡིན་ཡང་སྤྱང་ཚོགས་འཛོམས་ས་ཞིག་ན་ཞི་བ་དང་བདེ་འཇགས་མེད་པས་ང་ཚོས་ནམ་ཡང་གཟབ་གཟབ་བྱས་ཡོད།

ག་གེ་མོ་ནས་གུས་དུད་དང་བཅས་ཕུལ།

བོད་རྒྱའི་གྲོས་མོལ་གྱི་ཁོར་ཡུག་ལ་བསྐྱར་དུ་བལྟ་བ།

Monday, January 11th, 2010

བོད་ཕྱི་ནང་གཉིས་ཀྱི་བོད་མི་རྣམས་ཀྱི་འདོད་འདུན་ཏེ། གཞིས་བྱེས་ལྷན་འཛོམས་ཀྱི་དགའ་སྤྲོའི་ཉིན་མོ་ཞིག་ཤར་བའི་རེ་བ་ཇེ་ཆུང་དུ་འགྲོ་བཞིན་༢༠༠༩་ལོ་མཇུག་རྫོགས་པ་དང་། ༢༠༡༠ ལོ་འདི་ནི་བོད་ཀྱི་གནད་དོན་སེལ་ཆེད་བོད་དང་རྒྱ་ཕྱོགས་གཉིས་ཀྱི་ཆེས་མཐོ་སྐུ་ཚབ་རྣམ་གཉིས་བར་ཁ་རྩོད་ཞིག་དང་མཉམ་དུ་འགོ་ཚུགས་སོང༌། ཚིག་རྩོད་གཙོ་བོ་གཅིག་གི་བོད་ཕྱོགས་ཀྱིས་བཤད་ན། རྒྱ་ནག་གཞུང་གིས་གོང་ས་ཏ་ལའི་བླ་མའི་བོད་རང་བཙན་རྩོད་ཀྱིན་མེད་པ་ངོས་ལེན་བྱས་སོང་ཟེར་ལ། རྒྱ་ནག་ཕྱོགས་ནས་ “ཏཱ་ལའི་བླ་མས་བོད་རང་བཙན་བྱེད་པའི་རེ་འདོད་མེད་”ཅེས་པའི་སྐད་ཆ་ཞིག་རྩ་བ་ནས་བཤད་མ་མྱོང་བ་ཟེར་བ་དེ་རེད།

8th_round_china_1

བོད་རྒྱའི་འབྲེལ་མོལ་ཐེངས་བརྒྱད་པ་གནང་བཞིན་པ།

༢༠༠༢ལོ་ནས་བོད་རྒྱའི་འབྲེལ་མོལ་བསྐྱར་གསོ་བྱུང་ནས་༢༠༠༨་ལོའི་སྤྱི་ཟླ་བ་བཅུ་གཅིག་པའི་བར་དུ་། འབྲེལ་མོལ་གྱི་རྣམ་པ་ཡར་རྒྱས་དང་རྒྱ་ནག་ཕྱོགས་ནས་བོད་ཀྱི་བསམ་ཚུལ་ལ་ཉན་འཇོག་བྱེད་པ་སོགས་བརྗོེད་ནས་བོད་མི་རྣམས་ཀྱི་སེམས་སུ་རེ་བ་ཞིག་སྤྲད་ཡོད་པ་རེད། ཡིན་ནའང་༢༠༠༨་སྤྱི་ཟླ་བཅུ་གཅིག་པའི་ནང་བོད་རྒྱའི་འབྲེལ་མོལ་ཐེངས་བརྒྱད་པའི་སྐབས་བཙན་བྱོལ་བོད་གཞུང་གིས་བོད་ཀྱི་གནད་དོན་ཐག་གཅོད་ཡོང་ཐབས་སུ་རྒྱ་ནག་གཞུང་ལ་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་ འདིར་གཟིགས)

སྤྲད་པ་དེའི་ཐད་། བོད་ཕྱོགས་ནས་གསལ་བསྒྲགས་གང་ཡང་མ་བྱས་གོང།  རྒྱ་ནག་ཕྱོགས་ནས་ལོའི་དེའི་ཟླ་བ་བཅུ་གཅིག་པའི་ཚེས་བཅུ་ཉིན་པེ་ཅིན་ཏུ་བོད་རྒྱའི་འབྲེལ་མོལ་སྐོར་ལ་སྔར་བྱུང་མ་མྱོང་གསར་འགོད་ལྷན་ཚོགས་བསྡུས་ཏེ། “ང་ཚོས་ཏ་ལའི་བླ་མ་སྐུ་སྒེར་གྱི་གནད་དོན་ཆེད་གྲོས་མོལ་བྱས་པ་ལས་བོད་དོན་ཟེར་བ་ཞིག་ལ་གྲོས་མོལ་ནམ་ཡང་བྱས་མེད། ༡༩༨༠ནང་དུ་རྒྱ་རི་བློ་གྲོས་རྒྱལ་མཚན་ལ་བོད་ས་ཡོངས་ལ་ཆེས་མཐོའི་རང་སྐྱོང་ཟེར་བ་ཡོང་ཐབས་མེད་པ་གསལ་བོར་བཤད་ཡོད་ཅེས་གསར་འགོད་ལྷན་ཚོགས་ཐོག་བརྗོད་ནས་བོད་ཀྱི་གནད་དོན་ཟེར་བ་མེད་ཚུལ་བརྗོད་ཡོད། རྩོམ་ཡིག་ཆ་ཚང་ལ་གཟིགས་རོགས། »

དོན་གྲུབ་དབང་ཆེན་ལ་ལོ་དྲུག་གི་ཁྲིམས་ཐག་བཅད་འདུག

Tuesday, January 5th, 2010

  འཇིགས་བྲལ་ཞེས་པའི་དངོས་བྱུང་གློག་བརྙན་བཟོ་མཁན་དོན་གྲུབ་དབང་ཆེན་ལགས་སུ་ལོ་དྲུག་གི་བཙོན་འཇུག་ཁྲིམས་ཐག་འདུག།
དེ་ཡང་ཟླ་བ༡༢ཚེས ༢༨ཉིན་ཟི་ལིང་གྲོང་ཁྱེར་འབྲིང་རིམ་མི་མང་ཁྲིམས་ཁང་གིས་གསང་བའི་ངང་འཇིགས་བྲལ་ཞེས་པའི་དངོས་བྱུང་གློག་བརྙན་བཟོ་མཁན་དོན་གྲུབ་དབང་ཆེན་ལགས་སུ་ལོ་དྲུག་གི་ཁྲིམས་

  དོན་གྲུབ་དབང་ཆེན།

དོན་གྲུབ་དབང་ཆེན།

ཐག་བཅད་འདུག ཁུངས་ལྡན་གནས་ཚུལ་འབྱོར་བ་ལྟར་ན། དོན་གྲུབ་དབང་ཆེན་ལགས་སུ་མཆིན་ནད་ཕོག་ཡོད་པར་སྨན་བཅོས་བྱེད་དུ་བཅུག་མེད་པ་མ་ཟད། ཁྲིམས་ཐག་བཅད་པའི་གནས་ཚུལ་ད་ལྟའི་ཆར་ཁོང་གི་ནང་མི་གཅིག་ལ་འང་བརྡ་ལན་སྤྲད་མེད་པ་རེད།
སིད་སིར་ཡོད་པའི་ཁོང་གི་སྤུན་ཉེ་འཇམ་དབྱངས་ཚུལ་ཁྲིམས་ལགས་ཀྱིས།“རྒྱ་ནག་གཞུང་གིས་མི་མང་དཀྱུས་མའི་བསམ་ཚུལ་བཏོན་པ་ཙམ་གྱིས་ལོ་དྲུག་གི་ཁྲིམས་ཐག་བཅད་པ་ནི་བོད་མི་མང་ལ་རང་དབང་གང་ཡང་མེད་པའི་རྟགས་མཚན་གསལ་བོ་རེད། དོན་གྲུབ་དབང་ཆེན་འཛིན་བཟུང་བྱས་པ་དང༌།ཁྲིམས་བཤེར་བྱས་པ་སོགས་ཀྱི་ཡིག་ཆ་གཅིག་ཀྱང་ནང་མིར་མཁོ་སྤྲོད་བྱས་མེད་པ་དང༌།ནང་མིས་བཙལ་བའི་ཁྲིམས་རྩོད་པའང་དང་ལེན་མ་བྱས་པར་གསང་བའི་ངང་ལོ་དྲུག་གི་ཁྲིམས་བཅད་པ་ནི་དྲང་བདེན་མིན་པས་བློ་ཕམ་ཆེན་པོ་བྱུང་ཟེར། དོན་གྲུབ་དབང་ཆེན་ནི་ཨ་མདོ་བ་ཡན་ནས་ཡིན་ཞིང་ལོ་༣༥་ སོན་ཡོད་པ་དང༌།ཁོང་གི་བཟའ་ཟླ་དང་ཕྲུ་གུ་བཞི་ཚང་མ་དེང་སྐབས་རྒྱ་གར་རྡ་རམ་ས་ལར་གནས་སྡོད་བྱས་ཡོད་པ་རེད།

དོན་གྲུབ་དབང་ཆེན་གྱིས་བཟོས་པའི་འཇིགས་བྲལ་ཞེས་པའི་གློག་བརྙན་དེའི་ནང་ཨ་མདོ་ས་ཁུལ་གྱི་བོད་མི་ཁག་ཅིག་གིས་བསམ་ཚུལ་བཤད་ཡོད་པ།

 

གསན་རོགས།