October, 2010

...now browsing by month

 

ནོར་སྦེལ་ཞི་བདེའི་གཟེངས་རྟགས་སྐུ་ཞབས་ལིག་ཞའོ་པོ་ལ་ཐོབ།

Friday, October 8th, 2010
སྐུ་ཞབས་ལིག་ཞའོ་པོ།

སྐུ་ཞབས་ལིག་ཞའོ་པོ།

རྒྱ་ནག་གི་དམངས་གཙོ་དོན་གཉེར་བ་དང་།  རྩོམ་པ་པོ་ལིག་ཞའོ་པོ་ལ༢༠༡༠ལོའི་ནོར་སྦེལ་ཞི་བདེའི་གཟེངས་རྟགས་ཐོབ་འདུག ནོར་སྦེལ་ཞི་བདེའི་གཟེངས་རྟགས་ཚོགས་ཆུང་གི་ཚོགས་གཙོ་སྐུ་ཞབས་Thorbjoern Jagland གྱིས་སྐུ་ཞབས་ལིག་ཞའོ་པོ་ལ་ད་ལོའི་ནོར་སྦེལ་ཞི་བདེའི་གཟེངས་རྟགས་ཕུལ་དོན་ནི། ཁོང་གིས་དུས་ཡུན་རིང་པོར། འཚེ་མེད་ཞི་བའི་ལམ་ནས་རྒྱ་ནག་ནང་གཞི་རྩའི་འགྲོ་བ་མིའི་ཐོབ་ཐང་ཡར་རྒྱས་ཡོང་ཐབས་ལ་འབད་བརྩོན་བྱས་ཡོད་པར་ཆེ་བསྟོད་ཀྱི་བྱ་དགའ་དེ་སྤྲད་པ་ཡིན་ལུགས་འགྲེལ་བརྗོད་གནང་འདུག དགུང་ལོ༥༤སོན་པའི་སྐུ་ཞབས་ལིག་ཞའོ་པོ་གཙོས་རྒྱ་ནག་གི་ཤེས་ཡོན་ཅན་ཁག་ཅིག་གིས་རྒྱ་ནག་ནང་ཆབ་སྲིད་ལམ་ལུགས་ལ་བཅོས་བསྒྱུར་གཏོང་དགོས་པའི་སྐོར་༠༨ ལོའི་རྩ་འཛིན་ཡིག་ཆ་ཞེས་པ་བྲིས་ནས་སྤྱི་ཚོགས་ཁྲོད་འགྲེམས་སྤེལ་བྱས་ཡོད་པར་བརྟེན། ༢༠༠༨ལོའི་ལོ་མཇུག་དུ་རྒྱ་ནག་གཞུང་གིས་སྐུ་ཞབས་ལིག་ཞའོ་པོ་ལ་ལོ་བཅུ་གཅིག་གི་ཁྲིམས་ཐག་བཅད་ནས་བཙོན་འཇུག་བྱས་ཡོད་པ་རེད།
འབྲོག་མྱིས་རྒྱ་ཡིག་ནས་བོད་ཡིག་ཏུ་བསྒྱུར་བའི་༠༨ལོའི་རྩ་འཛིན་ཡིག་ཆ་གཤམ་དུ་བཀོད་ཡོད་པས་གཟིགས་རོགས་ཞུ།
རྩ་འཛིན་༠༨་མ།
༢༠༠༨ལོའི་ཟླ་༡༢བའི་ཚེས་༢༣ཉིན་བཟོ་བཅོས་བྱོས།
འབྲོག་མྱིས་བསྒྱུར།
                ད་ལོ་ནི་རྒྱ་ནག གི་རྩ་ཁྲིམས་འགོ་བཙུགས་ནས་ལོ་བརྒྱ་ཐམ་པ། ༼འཛམ་གླིང་འགྲོ་བ་མིའི་ཐོབ་ཐང་བསྒྲགས་གཏམ༽འགྲེམས་སྤེལ་བྱས་ནས་ལོ་དྲུག་ཅུ་ ཐམ་པ། ༼དམངས་གཙོའི་རྩིག་པ༽བལྟམས་ནས་ལོ་སུམ་ཅུ་ཐམ་པ། རྒྱག་ནག་གཞུང་གིས༼མི་སེར་གྱི་ཁེ་དབང་དང་ཆབ་སྲིད་ཀྱི་ཐོབ་ཐང་རྒྱལ་སྤྱིའི་ སྤྱི་ཆིངས༽ལ་མོས་མཐུན་མིང་རྟགས་བཀོད་ནས་ལོ་བཅུ་ཐམ་པ་སོན་པའི་དུས་རེད། དུས་རྒྱུན་རིང་བོའི་འགྲོ་བ་མིའི་ཐོབ་ཐང་གི་གོད་ཆག་དང་ཀྱག་ཀྱོག་དཀའ་སྡུག་ཅན་ གྱི་རྒོལ་རྩོད་བརྒྱུད་རིམ་གྱི་རྗེས་སུ། གོ་རྟོགས་སད་པའི་རྒྱ་ནག་མི་སེར་ཚོས་ཉིན་མ་རེ་རེར་གསལ་ཞིང་དག་པའི་ངང་ཤེས་ རྟོགས་བྱུང་བ་ནི། རང་དབང་དང་། དྲང་བདེན། འགྲོ་བ་མིའི་ཐོབ་ཐང་ནི་འགྲོ་བ་མིའི་རིགས་ཀྱི་གཅིག་མཚུངས་ཀྱི་ཡོངས་ཁྱབ་འཇིག་ རྟེན་རིན་ཐང་ལྟ་ཚུལ་ཡིན་པ་དང་། དམངས་གཙོ་དང་། སྤྱི་མཐུན། ཁྲིམས་ཀྱིས་སྲིད་སྐྱོང་བ་ནི་དེང་རབས་ཆབ་སྲིད་ཀྱི་རྨང་གཞིའི་སྒྲིག་སྲོལ་གྱི་ སྒྲོམ་གཞི་ཡིན་ཞིང་། ༼བརྩེ་བ་ནི་འགྲོ་བ་མིའི་རིགས་ཀྱི་སྤྱི་ཚོགས་ཀྱི་ཤ་ཤུན་རེད་།༽ ཡོངས་ཁྱབ་འཇིག་རྟེན་རིན་ཐང་ལྟ་ཚུལ་དང་རྨང་གཞིའི་ཆབ་སྲིད་སྒྲིག་སྲོལ་སྒྲོམ་ གཞིའི་འོག་གི༼དེང་རབས་ཅན༽དང་འགལ་ཚེ། དེ་ནི་འགྲོ་བ་མིའི་ཐོབ་ཐང་བཙན་འཕྲོག་དང་། མི་གཤིས་རུལ་བསླད། མིའི་ལ་རྒྱ་གཏོར་བཤིག་གི་གེགས་དང་བར་ཆད་ཀྱི་བརྒྱུད་རིམ་ཞིག་ལས་མ་འདས། དུས་རབས་ཉེར་གཅིག་གི་རྒྱ་ནག་འདི་བཞིན་ལམ་ཁ་ག་འདྲ་ཞིག་ཏུ་འགྲོ་རྒྱུ་ཡིན་ནམ། མུ་མཐུད་ནས་ད་ལྟའི་ཟིལ་ཤུགས་དབང་བསྒྱུར་འོག་གི༼དེང་རབས་ཅན༽དེ་རྒྱུན་འཁྱོངས་ བྱ་རྒྱུའམ། ཡང་ན་ཡོངས་ཁྱབ་འཇིག་རྟེན་རིན་ཐང་ལྟ་ཚུལ་དེར་ངོས་ལེན་བྱས་ཏེ། དེང་གི་འཕེལ་ཕྱོགས་གཙོ་བོར་གྱུར་བའི་ཡོངས་བཀུར་དཔལ་ཡོན་ཁྲོད་མཉམ་བསྲེས་དང་། དམངས་གཙོའི་སྲིད་དབང་གི་སྒྲིག་སྲོལ་གསར་འཛུགས་བྱ་རྒྱུ་ཡིན་ནམ། འདི་ནི་ལྡོག་ཏུ་མེད་པའི་གདམ་ག་ཞིག་ཡིན། རྩོམ་ཡིག་ཆ་ཚང་ལ་གཟིགས་རོགས། »

རྩོམ་སྒྲིག་པ་འཛིན་བཟུང་དང་། ནང་མིའི་དཀའ་སྡུག

Friday, October 8th, 2010

ཟླ་འདིའི་ཕྱི་ཚེས་༡ ཉིན་ཨ་མདོ་རྔ་བ་ནས་ཡིན་པའི་རྩོམ་པ་པོ་དང་།  སློབ་གྲའི་དགེ་རྒན་ཇོ་ལེབས་ཟླ་བ་ལགས། རྒྱ་ནག་ཁྲིན་ཏུའུ་གྲོང་ཁྱེར་ནང་འཛིན་བཟུང་བྱས་ཏེ། ད་ཆར་རྔ་བ་ཁུལ་ཁྲོ་ཆུ་རྫོང་དུ་བཀག་ཉར་བྱས་ཡོད་འདུག 

ཇོ་ལེབས་ཟླ་བ།

ཇོ་ལེབས་ཟླ་བ།

ཇོ་ལེབས་ཟླ་བ་ལགས་ལོ་ཤས་སྔོན་ལ་རྔ་བ་ནས་པགས་རིགས་ཀྱི་རྒྱན་གོས་མེ་བསྲེགས་གཏོང་སྐབས། ལས་འགུལ་སྣེ་ཁྲིད་པའི་དོགས་གཞིའི་འོག་ཟླ་གཅིག་ཙམ་རིང་རྔ་བ་རྫོང་དུ་བཀག་ཉར་བྱས་ཡོད་པ་དང་། ཕྱི་ལོ་ ༢༠༠༨ ལོའི་ཞི་རྒོལ་ཆེན་མོའི་སྐབས་སུ་ཡང་དོགས་ཡོད་ཉེས་ཅན་དུ་རྩིས་ཏེ། ལོ་དེའི་ཕྱི་ཟླ་༣ ཚེས་༡༦ ཉིན་གྱི་ཞོགས་པར་རང་ཁྱིམ་ནས་འཛིན་བཟུང་བྱས་ཏེ་ཟླ་བ་ཁ་ཤས་རིང་བཀག་ཉར་བྱས་ཡོད། རྩོམ་པ་པོ་ཇོ་ལེབས་ཟླ་བ་ལགས་ནི། རྔ་བ་རྫོང་གི་ཇོ་ལེབས་སྡེ་བའི་སྟག་ཀ་ཚང་ནས་ཡིན་པ་དང་། ཁོང་ད་ལྟ་རང་ལོ་ ༣༨ ཡིན་ཞིང་། ༼དུས་རབས་ཀྱི་ང་༽ཞེས་པའི་དུས་དེབ་ཀྱི་རྩོམ་སྒྲིག་པ་དང་། རྔ་པའི་སློབ་གྲྭ་ཞིག་གི་དགེ་རྒན་ཡིན་པ་རེད། ཇོ་ལེབས་ཟླ་བ་འཛིན་བཟུང་བྱས་པའི་སྐོར་ལ་ཁོང་གི་བཟའ་ཟླ་འཛམ་དཀར་ལྷ་མོ་ལགས་ལ་ཁ་པར་བརྒྱུད་ནས་བཅར་འདྲི་བྱས་ཡོད། འཛམ་དཀར་ལྷ་མོར་བཅར་འདྲི་བྱས་པར་ཉན་རོགས་ཞུ།