January, 2011

...now browsing by month

 

དྲི་བ་གནང་རོགས།

Wednesday, January 26th, 2011

མདོ་སྨད་སྤྱི་འཐུས་དངོས་གཞིའི་འོས་མིའི་ཁོངས་སུ་སྔོན་ཆད་སྤྱི་འཐུས་གནང་མ་མྱོང་བའི་འོས་མི་གསར་བ་ཁག་ཅིག་སླེབས་འདུག   ཕྲན་གྱིས་གཙོ་སྐྱོང་བྱེད་བཞིན་པའི་ཨེ་ཤ་ཡ་རང་དབང་རླུང་འཕྲིན་ཁང་གི  ༼རང་དབང་གི་གླེང་སྟེགས༽ ཞེས་པའི་ལེ་ཚན་ནང་།  བཅར་འདྲི་དང་ལེན་བྱེད་འདོད་ཡོད་པའི་འོས་མི་རེ་རེ་བཞིན་གདན་འདྲེན་ཞུས་ནས་གླེང་མོལ་བྱེད་རྒྱུ་ཡིན། དེར་བརྟེན་རྣམ་པ་ཚོར་སྤྱི་ཡོངས་ཀྱི་དྲི་བ་དང་།    ཡང་ན་དམིགས་བསལ་འོས་མི་ཟུར་འདོན་གྱིས་དྲི་བ་འདྲ་ཡོད་དམ།   ངས་ཁྱེད་རྣམ་པའི་ཚབ་བྱས་ནས་དྲི་བ་འདྲི་ངེས་ཡིན། 

སྤྱི་འཐུས་དངོས་གཞིའི་འོས་མིར་གཟིགས་རོགས།

ང་ལ་རྨི་ལམ་ཞིག་ཡོད།

Monday, January 17th, 2011

ཟླ་བ་འདིའི་ཚེས༡༧་ཉིན་ནི་ཨ་རིའི་རྒྱལ་ཡོངས་སུ་སློབ་དཔོན་མར་ཊིན་ལུ་ཐར་ཁིན་མཆོག་གི་འཁྲུངས་སྐར་གུང་གསེང་དགའ་སྟོན་ཉིན་མོ་ཡིན། ཨ་རིའི་ནང་སྤྱི་འབངས་ཀྱི་ཐོབ་ཐང་རྩོད་ལེན་བྱེད་མཁན་སློབ་དཔོན་མར་ཊིན་ལུ་ཐར་ཁིན་མཆོག་ནི་༡༩༢༩ལོའི་ཟླ་བ་དང་པོའི་ཚེས་༡༥་ཉིན་སྐུ་འཁྲུངས།  ༡༩༨༣་ལོར་ཨ་རིའི་གྲོས་ཚོགས་ཀྱིས་མང་མོས་ཐག་གཅོད་ལྟར།  ཨ་རིའི་སྲིད་འཛིན་རོ་ནོ་རྡུ་རུས་རྒན་གྱིས་ལོ་ལྟར་ཟླ་བ་དང་པོའི་བདུན་ཕྲག་གསུམ་པའི་རེས་གཟའ་ཟླ་བའི་ཉིན་སློབ་དཔོན་མར་ཊིན་ལུ་ཐར་ཁིན་མཆོག་ལ་བརྩི་བཀུར་མཚོན་ཆེད་རྒྱལ་ཡོངས་གུང་གསེང་ལ་གཏན་འབེབས་བྱས་པའི་ཁྲིམས་གཞི་མཚན་རྟགས་བཀོད།  ༡༩༨༦་ལོ་ནས་བཟུང་ལོ་ལྟར་ཟླ་བ་དང་པོའི་བདུན་ཕྲག་གསུམ་པའི་རེས་གཟའ་ཟླ་བའི་ཉིན་ཨ་རིའི་རྒྱལ་ཡོངས་སུ་སློབ་དཔོན་མར་ཊིན་ལུ་ཐར་ཁིན་མཆོག་གི་འཁྲུངས་སྐར་གུང་གསེང་དགའ་སྟོན་རོལ་བཞིན་ཡོད།
སློབ་དཔོན་མར་ཊིན་ལུ་ཐར་ཁིན་མཆོག་ནི་འཚེ་མེད་ཞི་བའི་ཐབས་ལམ་ལ་ཡིད་ཆེས་བརྟན་པོའི་ངང་སྤྱི་འབངས་ཀྱི་ཐོབ་ཐང་རྩོད་ལེན་གནང་མཁན་ཞིག་ཡིན་ལ།  ༡༩༦༣ལོའི་ཟླ་བ་ ༨་ཚེས་༢༨་ཉིན་ཨ་རིའི་རྒྱལ་ས་ཝ་ཤིན་ཊོན་གྱི་རྒྱལ་ཡོངས་ཐང་ཆེན་དུ་མི་གྲངས་ཉིས་འབུམ་ལྷག་གིས་སྤྱི་འབངས་ཀྱི་ཐོབ་ཐང་རྩོད་ལེན་ཆེད་ཞི་བའི་གོམ་བགྲོད་གནང་སྐབས།  སློབ་དཔོན་མར་ཊིན་ལུ་ཐར་ཁིན་གྱིས་ ༼ང་ལ་རྨི་ལམ་ཞིག་ཡོད།༽ཅེས་པའི་གསུང་བཤད་གནང་ཡོད།  གསུང་བཤད་འདི་ནི་ཕལ་ཆེར་སློབ་དཔོན་མར་ཊིན་ལུ་ཐར་ཁིན་གྱིི་སྙན་གྲགས་ཆེ་ཤོས་ཀྱི་གསུང་བཤད་དེ་ཡིན་ལ། 
གསུང་བཤད་དེ་བོད་སྐད་ཐོག་ཉན་རོགས།

ང་ལ་རྨི་ལམ་ཞིག་ཡོད་ཅེས་པའི་གསུང་བཤད་བོད་ཡིག་ཐོག་གཟིགས་རོགས།

ཁོང་གིས་ནོར་བེལ་ཞི་བདེའི་གཟེངས་རྟགས་བཞེས་སྐབས་ཀྱི་གསུང་བཤད་ལ་གཟིགས་ན་གཤམ་གྱི་སྦྲེལ་ཐག་འདིར་མཐུད་རོགས

སྨོན་ལམ་ཚིག་མཛོད།

Friday, January 14th, 2011

སྨོན་ལམ་བོད་ཡིག་གསར་བཟོ་བྱེད་མཁན་བློ་བཟང་སྨོན་ལམ་ལགས་ཀྱིས་གློག་ཀླད་ནང་བེད་སྤྱོད་བྱེད་ཐུབ་པའི་སྨོན་ལམ་ཚིག་མཛོད་རིན་མེད་འགྲེམས་སྤེལ་བྱས་ཡོད་པ་དེའི་ཐད།   བློ་བཟང་སྨོན་ལམ་ལགས་དང་མཉམ་དུ་གླེང་མོལ་བྱས་པར་ཉན་རོགས་ཞུ། འདིར་མཐུད་རོགས།

བློ་བཟང་སྨོན་ལམ་ལགས་དང་མཉམ་དུ་གླེང་མོལ།

བློ་བཟང་སྨོན་ལམ་ལགས་དང་མཉམ་དུ་གླེང་མོལ།

དེང་སྐབས་བོད་གྱི་སྐད་ཡིག་གནས་འཕྲིན་དྲ་རྒྱའི་ནང་བེད་སྤྱོད་ཀྱི་ཚད་རིམ་གང་འདྲ་ཞིག་ལ་སླེབས་ཡོད་པ་དང་། དེའི་བྱེད་ནུས་ཐད་ལ་སྨོན་ལམ་བོད་ཡིག་གསར་བཟོ་བྱེད་མཁན་བློ་བཟང་སྨོན་ལམ་ལགས་དང་མཉམ་དུ་གླེང་མོལ་བྱས་པར་ཉན་རོགས་ཞུ། འདིར་མཐུད་རོགས།