ཚེས་༡༣་ཉིན་རྒྱ་གར་གྱི་རྒྱལ་ས་ལྡི་ལི་ཡོད་པའི་བོད་མིའི་གཞིས་སྒར་བསམ་ཡས་གླིང་དུ་འབྱོར།

འབྲི་མཁན། དཔལ་ལྡན་རྒྱལ། on May 17th, 2009

བཙན་བྱོལ་བོད་ཀྱི་རྒྱལ་ཡོངས་དམིགས་བསལ་ཚོགས་ཆེན་དེ་ཚེས་༡༧་ནས་༢༢་བར་བཙན་བྱོལ་བོད་གཞུང་གི་ལྟེ་གནས་རྡ་རམ་ས་ལར་ཚོགས་ཀྱི་ཡོད་པ་རེད། བོད་ཕྱི་ནང་གཉིས་ཀྱི་མི་མང་རྣམས་ཀྱིས་ཚོགས་འདུ་འདི་ཧ་ཅང་གལ་ཆེན་ཅིག་ཏུ་ངོས་འཛིན་བྱེད་ཀྱིན་ཡོད་པས

delhi

བཙན་བྱོལ་བོད་ཀྱི་རྒྱལ་ཡོངས་དམིགས་བསལ་ཚོགས་ཆེན་དེ་ཚེས་༡༧་ནས་༢༢་བར་བཙན་བྱོལ་བོད་གཞུང་གི་ལྟེ་གནས་རྡ་རམ་ས་ལར་ཚོགས་ཀྱི་ཡོད་པ་རེད། བོད་ཕྱི་ནང་གཉིས་ཀྱི་མི་མང་རྣམས་ཀྱིས་ཚོགས་འདུ་འདི་ཧ་ཅང་གལ་ཆེན་ཅིག་ཏུ་ངོས་འཛིན་བྱེད་ཀྱིན་ཡོད་པས་
བོད་མི་མང་ལ་གནས་ཚུལ་དུས་ཐོག་མཁོ་སྤྲོད་ཆེད་ཨེ་ཤེ་ཡ་རང་དབང་རླུང་འཕྲིན་ཁང་གིས་ང་རང་ཆེད་གཏོང་གནང་བྱུང་།ཚེས་༡༣་ཉིན་རྒྱ་གར་གྱི་རྒྱལ་ས་ལྡི་ལི་ཡོད་པའི་བོད་མིའི་གཞིས་སྒར་བསམ་ཡས་གླིང་དུ་འབྱོར། བསམ་ཡས་གླིང་ངམ་མན་ཅུང་ཀྲི་ལ་རུ་བོད་མི་སྟོང་ཕྲག་ཁ་ཤས་ཀྱིས་ཚོང་ལས་ལ་བརྟེན་ནས་འཚོ་བ་རོལ་བཞིན་འདུག་ལ།ས་གནས་འདི་ནི་འཛམ་གླིང་ས་ཕྱོགས་གང་ས་ནས་ཡོང་བའི་བོད་མི་རྣམས་རང་ཉིད་ཀྱི་དམིགས་བསལ་བསྐྱོད་པའི་བརྒྱུད་ལམ་ཞིག་ཡིན་པས་ཧ་ཅང་འཁྲུག་ཆ་དོད་པོའི་གནས་ཤིག་རེད། འཛམ་གླིང་ས་ཕྱོགས་གང་སར་བཞུགས་
པའི་བཀའ་ཟུར་དང་སྤྱི་ཟུར་རྣམ་པ།་བོད་རིགས་ཚོགས་པ་ཁག་གི་འཐུས་མི། དེ་བཞིན་བོད་མིའི་གཞིས་ཆགས་དང༌།་དགོན་སྡེ་ཁག་གི་འཐུས་ཚབ་རྣམས་ཀྱང་གཞིས་སྒར་འདི་བརྒྱུད་ནས་དམིགས་བསལ་ཚོགས་ཆེན་ཆེད་རྡ་རམ་ས་ལར་་ཕེབས་བཞིན་འདུག།ས་གནས་འདིར་ཡོད་པའི་མི་རྣམས་ཀྱིས་དམིགས་བསལ་ཚོགས་ཆེན་སྐོར་ལ་གླེང་སློང་ཤུགས་ཆེན་བྱེད་བཞིན་འདུག། མན་ཅུད་ཀྲི་ལའི་གུ་དོག་པའི་སྲང་ལམ་ཀྱི་འགྲམ་དུ་ས་གནས་གཞོན་ནུ་ལྷན་ཚོགས་ཀྱིས་ཅོག་ཙེ་ཆུང་
ཆུང་ཞིག་གི་སྟེང་ཡིག་ཆ་བཀྲམས་ནས་མི་མང་གི་བསམ་ཚུལ་བསྡུ་བཞིན་འདུག་ལ་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་དྲུང་ཆེ་མིག་དམར་བསྟན་འཛིན་ལགས་ཀྱིས་།ཆབ་སྲིད་ཀྱི་གོ་རྟོགས་ཡོད་མེད་གཉིས་ཀྱིས་བོད་ལ་ལོག་གི་ཡིན་ཟེར་བ་གཅིག་པ་རེད། ཡིན་ནའང་གནས་བབ་གང་འདྲ་ཞིག་གི་འོག་བོད་ལ་ལོག་མིན་གྱི་བསམ་ཚུལ་མི་འདྲ་བ་འདུག་ཟེར།ཡང་ལོ་ན་བདུན་བཅུ་ལྷག་ལ་སླེབས་ཡོད་་པའི་རྒན་པོ་ཕུན་ཚོགས་ཚེ་རིང་ཟེར་བ་ཞིག་གི་ལག་པས་ཕྲེང་བ་འདྲེན་བཞིན་དབུ་མའི་ལམ་གྱི་དགོངས་གཞི་རྒྱུན་འཁྱོངས་བྱེད་རྒྱུ་གལ་ཆེན་པོ་རེད་ཟེར། ཡང་ལམ་ཟུར་དུ་བོད་ནས་བཟོ་བསྐྲུན་བྱས་པའི་བོད་སྨན་ཚོང་མཁན་ལྕགས་ཐར་ཟེར་བ་ཞིག་གིསད་ཐེངས་ཚོགས་ཆེན་དེ་ལ་རེ་བ་ཆེན་པོ་མེད་ཟེར།ཉེ་ལམ་༧གོང་ས་མཆོག་གི་སྐུ་ཚབ་པེ་ཅིན་ཏུ་ཕེབས་ནས་བོད་དོན་ཆེད་འབྲེལ་མོལ་ཐེངས་བརྒྱད་པ་གནང་པའི་རྗེས་སུ་བོད་ཀྱི་ཕྱོགས་ནས་དམིགས་བསལ་ཚོགས་ཆེན་མ་ཚོགས་གོང་དུ་འབྲེལ་མོལ་ཐེངས་བརྒྱད་པའི་གནས་ཚུལ་ཕྱིར་བསྒྲགས་བྱེད་ཀྱི་མིན་པའི་གསལ་བསྒྲགས་བྱས་ཡོད། ཡིན་ནའང་རྒྱ་ནག་ཕྱོགས་ནས། “ང་ཚོས་ཏ་ལའི་བླ་མ་སྐུ་སྒེར་གྱི་གནད་དོན་ཆེད་་གྲོས་མོལ་བྱས་པ་ལས་བོད་དོན་ཟེར་བ་ཞིག་ལ་གྲོས་མོལ་ནམ་ཡང་བྱས་མེད། ༡༩༨༠་ནང་དུ་རྒྱ་རི་བློ་གྲོས་རྒྱལ་མཚན་ལ་བོད་ས་ཡོངས་ལ་ཆེས་མཐོའི་རང་སྐྱོང་ཟེར་བ་ཡོང་ཐབས་མེད་པ་གསལ་བོར་བཤད་ཡོད་ཅེས་གསར་འགོད་ལྷན་ཚོགས་ཐོག་བརྗོད་ནས་བོད་ཀྱི་གནད་དོན་ཟེར་བ་མེད་ཚུལ་བརྗོད་ཡོད།ད་ལོའི་ཕྱི་ཟླ་གསུམ་པ་ནས་བོད་ས་མང་ཆེ་བར་བོད་མི་རྣམས་ཀྱིས་རྒྱ་ནག་གཞུང་ལ་ཞི་བའི་ངོ་རྒོལ་ཤུགས་ཆེན་བྱས་ཡོད་པ་དེས་བོད་ཀྱི་གནད་དོན་འཛམ་གླིང་ཡོངས་སུ་གསལ་སྟོན་བྱས་ཡོད་པ་ནའང༌།རྒྱ་ནག་གཞུང་གིས་དེ་ནི་ཁ་བྲལ་རིང་ལུགས་པས་ངན་སྐུལ་བྱས་རེད་ཟེར་བ་ཙམ་ལས་གསལ་བཤད་གང་ཡང་བྱས་མེད། གང་ལྟར་བོད་རྒྱའི་འབྲེལ་མོལ་ལ་དོན་འབྲས་མ་བྱུང་བ་གསལ་བོར་ཆགས་པའི་སྐབས་དེར་བཙན་བྱོལ་བོད་གཞུང་མང་གཉིས་ཀྱི་དམིགས་བསལ་ཚོགས་ཆེན་ཞིག་འཚོགས་ཀྱི་ཡོད་པའི་སྟེང་བོད་ཀྱི་མ་འོངསགནས་བབ་ཐད་བསམ་ཚུལ་འདྲ་མིན་གླེང་སློང་ཤུགས་ཆེན་བྱེད་ངེས་ཡིན།




བསམ་ཚུལ་འབྲི་རོགས།





*