འབྲུག་སྐད་ཞི་བའི་ཁ་བ།

འབྲི་མཁན། དཔལ་ལྡན་རྒྱལ། on March 18th, 2010

ཨ་ཀྱྭ་རིན་པོ་ཆེ་ཡིས་ཁོང་གི་སྐུ་ཚེ་ལོ་རྒྱུས། འབྲུག་སྐད་ཞི་བའི་ཁ་བ། རྒྱ་ནག་གི་དབང་བསྒྱུར་འོག་ལོ་ངོ་བཞི་བཅུའི་རིང་གི་བོད་ཀྱི་བླ་མ་ཞིག་གི་གནས་ཚུལ་ཞེས་པའི་དེབ་དེ་དབྱིན་ཡིག་ནང་པར་བསྐྲུན་འགྲེམས་སྤེལ་བྱས་འདུག དེང་སྐབས་ཨ་ཀྱྭ་རིན་པོ་ཆེ་ཨ་རིའི་གྲོང་ཁྱེར་ཁག་ནང་སོང་ནས་རང་རྣམ་སྐོར་གྱི་དེབ་དེ་དྲིལ་བསྒྲགས་དང༌། གཏམ་བཤད།བགྲོ་གླེང་སོགས་གནང་བཞིན་ཡོད་པ་རེད།

arjia
དེབ་དེའི་ནང་དུ་རྒྱ་ནག་གཞུང་གིས་བུ་རྒྱལ་མཚན་ནོར་བུ་པན་ཆེན་ཡང་སྲིད་དུ་འོས་འདེམས་བྱུང་རྗེས། ཕྱིར་པེ་ཅིན་དུ་ཕེབས་པའི་གནམ་གྲུའི་ནང་རྒྱ་ནག་རྒྱལ་སྲིད་སྤྱི་ཁྱབ་ཁང་གི་ཆོས་ལུགས་ལས་དོན་བློན་ཆེན་ཡེ་ཞའོ་ཝན་གྱི་ཨ་ཀྱ་རིན་པོ་ཆེ་དང༌། འཇམ་དབྱངས་བཞད་པ་རིན་པོ་ཆེ་རྣམ་གཉིས་ཟུར་དུ་བསྐོངས་ནས་བཀལ་མོལ་བྱས་ཡོད་པའི་སྐོར་བཀོད་དོན།  ཡེ་ཞའོ་ཝན་གྱིས་སྤོབས་ཉམས་དང་བཅས་བཤད་རྒྱུར “གསེར་བུམ་དཀྲུག་འདོན་སྐབས།  ང་ཚོས་ཡང་སྲིད་ངོ་མ་ཡོང་ཆེད་མཚན་བྱང་གཅིག་གི་འོག་ཏུ་ཤིང་བལ་བཞག་ནས་མཐོ་རུ་བཏང་ཡོད།” ཟེར སྐབས་དེར་ང་ཚོ་ཧང་སངས་བྱུང༌། ང་ཚོ་ཡང་གནད་དོན་འདིའི་ཐད་དོགས་པ་ཡོད་ནའང༌། བརྒྱུད་རིམ་འདི་འདྲའི་རྫུན་བཟོ་ཞིག་ཡིན་པར་བདེན་དབང་བྱེད་པའི་རེ་བ་བྱས་མེད། ངའི་གཟུགས་པའི་བ་སྤུ་ལངས་བྱུང༌། ཡིན་ནའང་འཇམ་དབྱངས་བཞད་པ་རིན་པོ་ཆེ་དང་། ངེད་གཉིས་ཀྱིས་མགོ་བོ་མར་གུག་ནས་རྒྱུན་ལྡན་མ་ཡིན་པའི་གནས་ཚུལ་ཅི་ཡང་མ་གོ་ཁུལ་བྱས་ནས་ཁུ་སིམ་མེར་བསྡད་པ་ཡིན། དེ་ནས་ངེད་གཉིས་ཕྱིར་རང་རང་གི་རྐུབ་སྟེགས་ཡོད་སར་འགྲོ་སྐབས་འཇམ་དབྱངས་བཞད་པ་རིན་པོ་ཆེས་ཡིད་མ་ཆེས་བའི་ངང་མགོ་བོ་གཡུགས་གཡུགས་གནང་ནས་དབུགས་རིང་ཞིག་འཐེན་རྗེས། “ ངེད་གཉིས་ལ་ངལ་གསོ་དུས་ཚོད་ཅུང་ཙམ་འདུག” གསུངས་བྱུང༌ཞེས་བཀོད་འདུག  དེབ་འདིའི་ནང་འདི་འདྲའི་གནད་འགག་ཅན་གྱི་གནས་ཚུལ་མང་པོ་བཀོད་འདུག ཉེ་ལམ་ཨ་རིའི་རྒྱལ་ས་ཝ་ཞིན་ཏུན་ལ་ཕེབས་ནས་དེབ་དེའི་སྐོར་ལ་གཏམ་བཤད་སོགས་མཛད་འཆར་ཆེ་བའི་ཁྲོད་ནས་ཨེ་ཤ་ཡ་རང་དབང་རླུང་འཕྲིན་ཁང་གི་སྒྲ་འཇུག་ཁང་དུ་ཆེད་དུ་གདན་འདྲེན་གྱིས་བཅར་འདྲི་ཞུས་ཡོད་པར་གཟིགས་རོགས་ཞུ།

 

 



2 Comments so far ↓

  1. སྐྱེས་སར་ཀླུ་སྒྲུབ། says:

    ཨ་རྒྱ་རིན་པོ་ཆེ་ནི། མདོ་སྨད་མང་ཚོགས་ཁྲོད་ཤུགས་རྐྱེན་གང་ཙམ་ཡོད་པའི་མི་སྣ་ཞིག་ཡིན་སྟབས། བོད་རིགས་མང་ཚོགས་ལ་སྣེ་ཁྲིད་བྱེད་ཐུབ་པའི་ནུས་པ་ཡོད་པས། དེ་སྔའི་བོད་ཀྱི་བླ་སྤྲུལ་མིང་འཛིན་པ་ཚོས་བྱེད་སྲོལ་ལྟར་མི་བཞུགས་པར། ཁ་ཚ་དགོས་གཏུགས་ཀྱི་སྣེ་ཁྲིད་ཅིག་བྱེད་རྒྱུར་འབད་རོགས་ཞུའོ།།

  2. སྐྱེས་སར་ཀླུ་སྒྲུབ་ལགས།
    ཕྲན་གྱི་ཟིན་བྲིས་ནང་ཕེབས་དགའ་བསུ་ཞུ།

བསམ་ཚུལ་འབྲི་རོགས།





*