ནོར་བེལ་ཞི་བདེའི་གཟེངས་རྟགས། སློབ་དཔོན་ཁིན་གྱི་གསུང་བཤད།

འབྲི་མཁན། དཔལ་ལྡན་རྒྱལ། on July 24th, 2009
འདི་ནི་སློབ་དཔོན་མར་ཏིན་ལུ་ཐར་ཁིན་ (Martin Luther King, JR)  གྱིས་༡༩༦༤ལོའི་ཟླ ༡༢ ཚེས ༡༠ ཉིན་ནོར་ཝེལ་རྒྱལ་ས་ཨོ་སི་ལོ་ (Oslo)རུ་ནོར་བེལ་ཞི་བདེའི་གཟེངས་རྟགས་བཞེས་སྐབས་ཀྱི་གསུང་བཤད་ཆ་ཚང་ཡིན།   སྐབས་ཞིག་གསར་འགོད་པས་ཁོང་ལ་གཟེངས་རྟགས་ཐོབ་པར་རང་ཉིད་ལ་དོན་སྙིང་ཅི་ཞིག་ཡོད་དམ།  ཞེས་དྲི་བར་སློབ་དཔོན་མཆོག་གིས་ལན་འདེབས་ཞུས་དོན།       ནོར་བེལ་ཞི་བདེའི་གཟེངས་རྟགས་གིས་ཤ་མདངས་ནག་པོ་ཡིན་པའི་མི་རྣམས་ཀྱི་བསླབ་ཁྲིམས་ལ་དགེ་ཕྱོགས་ཀྱི་ངོས་འཛིན་བྱས་ཡོད་པ་རེད།  ང་ཚོའི་ངོ་རྒོལ་གྱི་ཁྲོམ་བསྐོར་ཁྲོད་ཁྲག་དམར་ཟགས་ཡོད་ནའང་འཚེ་མེད་ཞི་བའི་བསླབ་ཁྲིམས་མེད་ཚེ།  སྐྱི་ཡ་བའི་གནས་སྟངས་ཞིག་ཆགས་ངེས་རེད༌།   ཞེས་གསུངས་ཡོད་པ་རེད།      མཆན།
སྤྱི་འབངས་ཀྱི་ཐོབ་ཐང་བརྩོན་ལེན་པ་སློབ་དཔོན་མར་ཏིན་ལུ་ཐར་ཁིན་གྱིས་༡༩༦༤ནོར་བེལ་ཞི་བདེའི་གཟེངས་རྟགས་བཞེས་པའི་སྐབས།

སྤྱི་འབངས་ཀྱི་ཐོབ་ཐང་བརྩོན་ལེན་པ་སློབ་དཔོན་མར་ཏིན་ལུ་ཐར་ཁིན་གྱིས་༡༩༦༤ནོར་བེལ་ཞི་བདེའི་གཟེངས་རྟགས་བཞེས་པའི་སྐབས།

བཀུར་འོས་པའི་རྒྱལ་བོ་དང༌།    སྲིད་འཛིན།   སྐུ་འགྲོན་ཕོ་མོ་ལྷན་རྒྱས་རྣམ་པར།
ཨ་རིའི་ནང་ཤ་མདངས་ནག་པོ་ཡིན་པའི་མི་གྲངས་ས་ཡ་ཉེར་གཉིས་ཀྱིས་གསར་གཏོད་རང་བཞིན་གྱི་འཐབ་རྩོད་བྱས་ཏེ།    དྲང་བདེན་མ་ཡིན་པའི་མི་རིགས་དབྱེ་འབྱེད་བྱེད་པའི་ཡུན་རིང་གི་མཚན་མོ་མཇུག་སྒྲིལ་རྒྱུར་འཐབ་རྩོད་བྱེད་བཞིན་པའི་་སྐབས་འདིར་ངས་ནོར་སྦེལ་ཞི་བདེའི་གཟེངས་རྟགས་དང་ལེན་བྱེད་ཀི་ཡོད།   ངས་སྤྱི་འབངས་ཀྱི་ཐོབ་ཐང་བརྩོན་ལེན་ལས་འགུལ་གྱི་ཚབ་བྱས་ནས་གཟེངས་རྟགས་འདི་དང་ལེན་བྱེད་ཀྱི་ཡོད་ལ།   ལས་འགུལ་འདི་ནི་བློ་ཐག་ཆོད་པོ་དང༌།   ཉེན་ཁར་འཛེམས་ཟོན་མེད་པར་རང་དབང་དང་དྲང་བདེན་གྱི་ཕྱོགས་སུ་བསྐྱོད་བཞིན་ཡོད།
ཁ་སང་ཨ་ལ་པ་མ Alabama  མངའ་སྡེའི་བིར་མན་ཧམ་ Birmingham གྲོང་ཁྱེར་ནང་ང་ཚོའི་བུ་ཕྲུག་རྣམས་ཀྱིས་སྤུན་ཟླའི་འདུ་ཤེས་ཆེད་སྐད་འབོད་བྱེད་སྐབས།  ཉེན་རྟོགས་མི་སྣས་ཁོང་ཚོའི་སྟེང་ལ་སྦུབས་གུ་ལས་ཆུ་གཏོར་བ་དང༌།   ངར་སྐད་སྒྲོག་བཞིན་པའི་ཁྱི་བཏང་ནས་ལན་འདེབས་བྱས་ཡོད་པ་མ་ཟད།    ཐ་ན་སྲོག་སྐྱོན་བྱུང་ཡོད་པ་ངའི་སེམས་སུ་ལྷང་ངེར་དྲན་ཡོད༌།  ཁ་སང་ཧྥེ་ལེ་རྡ་ཧྥེ་ཡ་དང༌།Philadelphia  མི་སི་སི་པི་  Mississippi ནང་དུ་གཞོན་སྐྱེས་རྣམས་ཀྱིས་འོས་འདེམས་ཀྱི་ཐོབ་ཐང་སྲ་བརྟན་གཏོང་ཆེད་ངོ་རྒོལ་བྱེད་སྐབས་མནར་གཅོད་ཚད་མེད་དང༌།   དམར་གསོད་བཏང་ཡོད་པ་ངའི་སེམས་སུ་ལྷང་ངེར་དྲན་ཡོད།   ངའི་མི་མང་རྣམས་དངུལ་ཕོངས་དང་ནུས་མེད་བཟོས་ནས་ཕྱེ་མར་འཐག་ཡོད་པའི་སྡུལ་བསྔལ་དང༌།   དཔལ་འབྱོར་གྱི་སྐས་ཐེམ་དམའ་ཤོས་དེར་བཏགས་ཡོད་པ་ངའི་སེམས་སུ་ལྷང་ངེར་དྲན་ཡོད།   དེར་བརྟེན།  ངས་ངེས་པར་དུ་དྲི་བ་འདྲི་དགོས་པ་ཞིག་ལ༌།  རེ་མེད་ཡིད་ཐང་ཆད་ལ་ཉེ་བ་དང༌།   རྡོ་ལྟར་མཁྲེགས་པའི་འཐབ་རྩོད་ཀྱི་ལས་འགུལ་ཁྲོད་ནོར་སྦེལ་ཞི་བདེ་གཟེངས་རྟགས་ཀྱི་སྙིང་བོ་ཞི་བདེ་དང་སྤུན་ཟླའི་འདུ་ཤེས་དེ་ཐོབ་མེད་ནའང།   ག་རེ་དོན་དུ་ང་ཚོར་གཟེངས་རྟགས་འདི་ཕུལ་བ་ཡིན་ནམ།
ངས་བསམ་བློ་རྣལ་ལ་ཞིག་བཏང་རྗེས།    གཟེངས་རྟགས་འདི་ནི།   ང་ཚོའི་དུས་སྐབས་འདིར་གཉའ་གནོན་དང༌།   དྲག་སྤྱོད་བེད་སྤྱོད་མ་བཏང་པར་གཉའ་གནོན་དང་དྲག་སྤྱོད་ལས་བརྒལ་བར་བྱེད་རྒྱུ་དང༌།  ཆབ་སྲིད་དང་ཀུན་སྤྱོད་ཀྱི་འགག་རྩའི་དྲི་བ་ལ།   འཚེ་མེད་ཞི་བའི་ལན་འདེབས་བྱེད་དགོས་པའི་གོ་དོན་ཟབ་མོ་རྟོགས་པའི་ལས་འགུལ་གྱི་ཚབ་བྱས་ནས་ང་ལ་གཟེངས་རྟགས་འདི་ཐོབ་པ་རེད།  དཔལ་ཡོན་དང་དྲག་སྤྱོད་ནི་ལྡོག་ཟླའི་བསམ་བློ་ཞིག་ཡིན།  ཨ་རིའི་ནང་གི་ཤ་མདངས་ནག་པོའི་མི་རྣམས་རྒྱ་གར་མི་མང་གི་རྗེས་སུ་འབྲངས་ནས།  འཚེ་མེད་ཞི་བ་ནི་ནུས་མཐུ་མེད་པ་ཞིག་མ་ཡིན་པར་བཟང་སྤྱོད་ཀྱི་སྟོབས་ཤུགས་ལྡན་པས་སྤྱི་ཚོགས་འཕོ་འགྱུར་གཏོང་ཐུབ་པ་ཞིག་ཡིན་པ་གསལ་སྟོན་བྱེད་དགོས།  སྔ་རྗེས་ཙམ་མ་གཏོགས་འཛམ་གླིང་འདིའི་སྒང་གི་མི་ཚང་མས་ཞི་བདེའི་ངང་མཉམ་དུ་འཚོ་གནས་བྱེད་ཐུབ་པའི་གནས་ལུགས་ངེས་རྙེད་བྱུང་ནས་འབྱུང་འགྱུར་མྱ་ངན་གྱི་སྐྱོ་གླུ་ལེན་བཞིན་པ་ལས་བརྒལ་ཏེ།   ཕན་ཚུན་སྤུན་ཟླའི་འདུ་ཤེས་འཛིན་པའི་སྤྱི་ཚོགས་ཞིག་གསར་སྐྲུན་བྱེད་ཐུབ་ངེས་རེད། དོན་དག་འདི་ལེགས་སྒྲུབ་བྱེད་དགོས་ཚེ།  སྐྱེས་བོ་ཡོངས་ཀྱིས་འགྲོ་བ་མིའི་དཀའ་སྡུག་སེལ་ཐབས་སུ༌།  དགྲ་ཤ་ལེན་པ་དང༌།  བཙན་འཛུལ་བྱེད་པའི་ཐབས་ལམ་ལ་ངོ་རྒོལ་བྱེད་དགོས།   བརྩེ་བ་ནི་དོན་དག་ལེགས་སྒྲུབ་བྱེད་པའི་ཐབས་ལམ་གྱི་རྨང་གཞི་ཡིན།  ནོར་སྦེལ་ཞི་བདེའི་གཟེངས་རྟགས་འདིས་ང་རང་གཅིག་པོ་གཟི་བརྗིད་སྤྲད་པ་མ་ཡིན་པར།  འདིའི་ནང་དུ་གཟི་བརྗིད་གང་མང་ཞིག་འདུས་ཡོད་པ་ངས་སྙིང་ཁོངས་རུས་པའི་སྟེང་ནས་གསལ་བོར་ཤེས་རྟོགས་བྱུང་ཡོད།    
ང་རང་གནམ་གྲུའི་ནང་འགྲུལ་བཞུད་བྱེད་ཐེངས་རེར།   གནམ་གྲུའི་ཁ་ལོ་བ་དང་ས་ཐོག་ཏུ་ལས་ཀ་བྱེད་མཁན་ཚང་མས་འགྲུལ་བཞུད་འདི་ལེགས་སྒྲུབ་ཡོང་བར་འབད་བརྩོན་གནང་ཡོད་པ་ངའི་སེམས་སུ་ལྷང་ངེར་དྲན་གྱི་ཡོད།  གཟེངས་རྟགས་འདིས་ང་ཚོའི་རང་དབང་འཐབ་རྩོད་ཀྱི་ལས་འགུལ་མཁའ་དབྱིངས་སུ་འཕུར་དུས་རང་ཉིད་བློས་བཏང་ངང་སྟངས་འཛིན་བྱེད་སའི་རྐུབ་སྟེགས་སྟེང་བསྡད་ཡོད་པའི་ཁ་ལོ་བ་རྣམས་ལ་གཟི་བརྗིད་སྤྲད་ཡོད་ལ༌།     ལྷོ་ཨ་ཧྥེ་རི་ཀའི་ནང་གི་དབུ་ཁྲིད་ཨ་སྦར་ཐེ། ལུ་ཐུལ་ནེས  Albert Luthuli    ཡིས་རང་ཉིད་ཀྱི་མི་མང་གི་འཐབ་རྩོད་དེ།   ད་དུང་ཡང་ཆེས་སྡུག་རྩུབ་ཆེ་བའི་མི་ཆོས་རིང་ལུགས་ལས་བརྒལ་བའི་གནས་་སྟངས་ལ་གདོང་ལེན་བྱེད་བཞིན་ཡོད་པར་བསྐྱར་དུ་གཟི་བརྗིད་སྤྲད་ཡོད་པ་རེད།  གཟེངས་རྟགས་འདིས་ས་སྟེང་དུ་ལས་ཀ་བྱེད་མཁན་རྣམས་ལ་གཟི་བརྗིད་སྤྲད་ཡོད་ལ།   ཁོང་ཚོས་རང་ཉིད་ཀྱི་མཁེ་ཕན་བློས་བཏང་གིས་ངལ་རྩོལ་བྱས་མེད་ན།   རང་དབང་ངང་མཁའ་ལ་བསྐྱོད་པའི་གནམ་གྲུ་འདི་ས་ཐོག་ནས་ཡར་འཕུར་ག་ལ་ཐུབ།    མི་དེ་དག་
གི་མིང་གསར་ཤོག་གི་འགོ་བརྗོད་དང༌།   མི་སྣ་གལ་ཆེན་གྱི་ཐོ་གཞུང་ནང་སླེབས་མི་ཐུབ་ནའང་དཀའ་སྡུག་གི་ལོ་ཟླ་མང་བོ་བརྒྱུད་ནས་དྲང་བདེན་གྱི་འོད་སྟོང་མཉམ་དུ་འདུས་པའི་དུས་སྐབས་འདིར།   སྐྱེས་པོ་རྣམས་ཀྱིས་དྲང་བདེན་གྱི་ཆེད་དུ་སྡུག་བསྔལ་མྱོང་འདོད་ཡོད་པ་འདིས།    མ་འོངས་པར་སྐྱེས་ཕོ་མོ་ཚང་མ་བསྡད་སའི་ས་གཞི་ལེགས་ཤིང༌།   མི་གཤིས་ཡག་པོ།  སྔར་ལས་དཔལ་ཡོན་ལྡན་པ་ཞིག་ཡིན་པ་ཤེས་རྟོགས་བྱུང་ནས་བུ་ཕྲུག་རྣམས་ལ་གོ་དོན་འདི་བརྒྱུད་སྤྲོད་བྱེད་ངེས་ཡིན།
གཟེངས་རྟགས་འདིའི་བདག་པོ་ངོ་མ་རྣམས་སྟེ།  ཡིད་ཆེས་ནི་མཛེས་ཉམས་ལྡན་པ་དང༌།  མཛེས་ཉམས་ནི་ཡིད་ཆེས་ལྡན་པ་ཞིག་ཡིན་པར་མཐོང་བའི་སྐྱེས་བོ་རྣམས་ཏེ།  ཁོང་ཚོས་མིག་ནང་དུ་མཛེས་ཉམས་ནི་ཕན་ཚུན་སྤུན་ཟླར་འཛིན་པའི་འདུ་ཤེས་དང་ཞི་བདེ་ཡིན་ལ༌།  དེ་ནི་རྡོ་རྗེ་ཕ་ལམ་དང༌།  གསེར་དངུལ་ལས་ཀྱང་རྩ་ཆེན་པོ་ཡིན་པར་བརྩི་བའི་མི་རྣམས་ཀྱི་ཚབ་བྱས་ནས།   ངས་ཤུལ་རྫས་རྩ་ཆེན་འདིའི་གཉེར་བའི་ཚུལ་དང་ལེན་བྱེད་ཀྱི་ཡོད།    ངས་འདི་ལྟར་བཤད་ཚེ་ཨ་ཧྥུ་རེ་རྡུ་  ནོར་སྦེལ་   Alfred Noble ཡིས་གོ་དོན་ཆ་ཚང་མཁྱེན་ཐུབ་ངེས་རེད་སྙམ།ཀྱག་ཀྱོག་གི་ལམ་ཕྲན་ཞིག་གིས་ཨ་ལ་པ་མའི་Alabama  མངའ་སྡེའི་མོན་སྒོ་མེ་རས   Montgomery གྲོང་ཁྱེར་ནས་སྣེ་ཁྲིད་དེ་ཨོ་སི་ལོ་ Oslo ལ་སླེབས་ནས་དྲང་བདེན་ལ་བདེན་དཔང་བྱེད་ཀྱི་ཡོད་པ་རེད།    ལམ་འདིའི་སྟེང་ཤ་མདངས་ནག་པོ་ཡིན་པའི་མི་ས་ཡ་མང་པོ་འགྲུལ་བཞུད་བྱས་ནས་རང་ཉིད་ཀྱི་ཁྱད་འཕགས་རང་བཞིན་རྙེད་ཐུབ་ངེས་ཡིན་ལ༌།   ལམ་འདིས་ཨ་རི་བ་ཚང་མའི་རེ་བ་དང༌།   ཡར་རྒྱས་ཀྱི་སྒོ་མོ་ཕྱེས་ནས་སྤྱི་འབངས་ཀྱི་ཐོབ་ཐོབ་ཀྱི་ཁྲིམས་གཞི་གསར་བ་ཞིག་སྟེ།    རྒྱ་ཆེ་ཞིང་གཏིང་ཟབ་པའི་དྲང་བདེན་གྱི་ལམ་ཆེན་ནང་སྣེ་ཁྲིད་ངེས་ཡིན་ལ།   ཤ་མདངས་ནག་པོ་ཡིན་པའི་མི་དང་ཤ་མདངས་དཀར་པོ་ཡིན་པའི་མི་རྣམས་མནའ་མཐུན་གྱི་གྲངས་ཚད་ཇེ་མང་དུ་སོང་ནས།  ཐུན་མོང་གི་དཀའ་ངལ་ལ་གདོང་ལེན་བྱེད་པར་ཡིད་ཆེས་ངེས་རྙེད་བྱུང༌།
ངས་ཨ་རི་ལ་ཉམས་མེད་ཡིད་ཆེས་དང༌།    མ་འོངས་པའི་འགྲོ་བ་མིའི་མདུན་ལམ་ལ་བློ་སྟོབས་ཆེན་པོའི་ཡིད་ཆེས་དང་མཉམ་དུ་དེ་རིང་ག

ཨ་རིའི་འཇོར་རྗེ་ཡ་མངའ་སྡེའི་ཨ་ཀྲི་ལམ་ཀྲེས་གྲོང་ཁྱེར་ནང་ཡོད་པའི་སློབ་དཔོན་མར་ཏིན་ལུ་ཐར་ཁིན་གྱི་བང་སོའི་མདུན།    གོང་ས་རྒྱལ་བ་རིན་པོ་ཆེ་དང༌།  སློབ་དཔོན་ཁིན་གྱི་སྐུ་ཟླ་ཁོ་རེ་ཐ་ཁིན་ (Coretta King)་ཁོང་གཉིས་ཀྱི་བུ་མར་ཏིན་ལུ་ཐར་ཁིན་གསུམ་པ།

ཨ་རིའི་འཇོར་རྗེ་ཡ་མངའ་སྡེའི་ཨ་ཀྲི་ལམ་ཀྲེས་གྲོང་ཁྱེར་ནང་ཡོད་པའི་སློབ་དཔོན་མར་ཏིན་ལུ་ཐར་ཁིན་གྱི་བང་སོའི་མདུན། གོང་ས་རྒྱལ་བ་རིན་པོ་ཆེ་དང༌། སློབ་དཔོན་ཁིན་གྱི་སྐུ་ཟླ་ཁོ་རེ་ཐ་ཁིན་ (Coretta King)་ཁོང་གཉིས་ཀྱི་བུ་མར་ཏིན་ལུ་ཐར་ཁིན་གསུམ་པ།

ཟེངས་རྟགས་འདི་དང་ལེན་བྱེད་ཀྱི་ཡོད།  མིའི་རང་གཤིས་ནི་ནུས་མེད་ཞིག་ཡིན་པར་འདོད་པའི་བསམ་ཚུལ་དང་ལེན་བྱེད་ཀྱི་མེད་པར་ངོ་རྒོལ་བྱེད་ཀྱི་ཡོད༌།  སྐྱེས་བོ་རྣམས་ཀྱི་མི་ཚེ་ནི་་ཆུའི་རླབས་རྒྱུན་དང་ཟེགས་མ་ཁོ་ནའི་ནང་་འཁོར་ནས་བསྡོད་ངེས་རེད་སྙམ་པའི་བསམ་ཚུལ་དེ་ངས་དང་ལེན་བྱེད་ཀྱི་མེད་པར་ངོ་རྒོལ་བྱེད་ཀྱི་ཡོད།   འགྲོ་བ་མི་ཚང་མ་སྐར་མ་མེད་པའི་མཚན་ནག་གིས་བཅིངས་པའི་རིགས་རྒྱུད་དབྱེ་འབྱེད་དང༌།   དམག་འཐབ་ཀྱི་སྡུག་བསྔལ་ཁྲོད་ནས་ཞི་བདེ་དང་ཕན་ཚུན་བར་སྤུན་ཟླའི་འདུ་ཤེས་འཛིན་པའི་སྐྱ་རེངས་ཤར་མི་སྲིད་སྙམ་པའི་བསམ་ཚུལ་ངས་དང་ལེན་བྱེད་ཀྱི་མེད་པར་ངོ་རྒོལ་བྱེད་ཀྱི་ཡོད།    
དེ་རིང་འབར་རྫས་གད་པའི་ཐལ་རྡུལ་དང༌།    མེ་མདའི་སྐད་སྒྲ་གང་སར་སྒྲོག་བཞིན་ཡོད་ནའང༌།   འོད་སྟོང་འཕྲོ་བའི་སང་ཉིན་ཤར་ཡོང་བ་ང་ལ་ཡིད་ཆེས་ཡོད༌།   ང་ཚོའི་རྒྱལ་ཁབ་ནང་ཁྲག་ཐིགས་འཛགས་བཞིན་པའི་སྲང་ལམ་དུ་དྲང་བདེན་ལ་རྨས་སྐྱོན་ཕོག་ནས་གན་རྐྱལ་དུ་འགྱེལ་ཡོད་ནའང༌།   ངོ་ཚ་ཁ་སྐྱེངས་དགོས་པའི་གནས་སྟངས་འདི་ལས་ཡར་ལངས་ཡོང་བ་ང་ལ་ཡིད་ཆེས་ཡོད།  སྐྱེས་བོ་ཡོངས་ཀྱི་སྐུ་གཟུགས་ལ་ཉིར་རེར་ཟས་ཐེངས་གསུམ་རེར་དགོས་པ་དང༌།  བསམ་བློའི་གོ་རྟོགས་སྤེལ་ཆེད་ཤེས་ཡོན་དང་རིག་གཞུང་དགོས་པ།  བློ་སྤོབས་རྒྱས་ཆེད་ཁྱད་འཕགས་རང་བཞིན་དང༌།  འདྲ་མཉམ།  རང་དབང་དགོས་པ་ང་ལ་ཡིད་ཆེས་ཡོད།
རང་གཅེས་འཛིན་བྱེད་མཁན་རྣམས་མར་འགྱེལ་ནས༌།   གཞན་གཅེས་འཛིན་བྱེད་མཁན་རྣམས་ཡར་ལངས་ཡོང་ངེས་ཡིན་པ་ང་ལ་ཡིད་ཆེས་ཡོད༌།   ཉིན་ཞིག་སྐྱེས་བོ་ཡོངས་ཀྱིས་ལྷ་ཡི་མདུན་དུ་གུས་ཕྱག་འཚལ་ཏེ།   མི་གསོད་ཁྲག་སྦྱོར་གྱི་དམག་འཐབ་ལས་རྣམ་པར་རྒྱལ་ནས།  འཚེ་མེད་ཞི་བས་འཇིག་རྟེན་སྐྱོང་ཐུབ་པ་ང་ལ་ཡིད་ཆེས་ཡོད།   ཉིན་ཞིག་སེང་གེ་དང་ལུ་གུ་མཉམ་གནས་བྱེད་པ་དང༌།  འགྲོ་བ་མི་ཚང་མ་འབྲས་ལྡན་ཤིང་གི་འོག་ཏུ་ཞེད་སྣང་དང༌།   འཇིགས་སྣང་གང་ཡང་མེད་པར་མཉམ་གནས་བྱེད་ཐུབ་པར་ང་ལ་ཡིད་ཆེས་ཆེན་པོ་ཡོད༌། 

ཨ་རིའི་འཇོར་རྗེ་ཡ་མངའ་སྡེའི་ཨ་ཀྲི་ལམ་ཀྲེས་གྲོང་ཁྱེར་ནང་ཡོད་པའི་སློབ་དཔོན་མར་ཏིན་ལུ་ཐར་ཁིན་གྱི་དྲན་རྟེན་ཁང་གི་མདུན།  པར་རྒྱག་མཁན་དཔལ་ལྡན་རྒྱལ།

ཨ་རིའི་འཇོར་རྗེ་ཡ་མངའ་སྡེའི་ཨ་ཀྲི་ལམ་ཀྲེས་གྲོང་ཁྱེར་ནང་ཡོད་པའི་སློབ་དཔོན་མར་ཏིན་ལུ་ཐར་ཁིན་གྱི་དྲན་རྟེན་ཁང་གི་མདུན། པར་རྒྱག་མཁན་དཔལ་ལྡན་རྒྱལ།

ཡིད་ཆེས་འདིས་ང་ཚོའི་མིག་མདུན་དུ་ཡོད་པའི་ངེས་མེད་ཀྱི་མ་འོངས་པའི་མདུན་ལམ་ལ་གདོང་ལེན་བྱེད་རྒྱུར་སྤོབས་པ་སྤྲོད་ངེས་ཡིན། ཡིད་ཆེས་འདིས་དཀའ་ངལ་གྱིས་ཐང་ཆད་ཡོད་པའི་རྐང་བ་གཉིས་ལ་རང་དབང་གི་གྲོང་ཁྱེར་ཕྱོགས་སུ་བསྐྱོད་རྒྱུར་ནུས་པ་གསར་བ་ཞིག་སྤྲོད་ངེས་ཡིན།    ཉིན་མོའི་དུས་སུ་སྤྲིན་ནག་ལང་ལོང་དུ་མཁྲིགས་ཤིང༌།  མཚན་མོ་མུན་ནག་གྱིས་ཁེངས་པའི་དུས་ཤིག་ཡིན་ནའང༌།  ང་ཚོས་དཀའ་ངལ་ལ་གདོང་ལེན་བྱས་ནས་དཔལ་ཡོན་ལྡན་པའི་དུས་རབས་གསར་བ་ཞིག་སྐྲུན་ཆེད་འཐབ་རྩོད་ཀྱི་ལས་འགོ་ཚུགས་ཡོད་པ་གསལ་བོར་ཤེས་ཀྱི་ཡོད།
དེ་རིང་མི་ཆོས་རིང་ལུགས་ཀྱིས་སེམས་ཤུགས་སྤར་བ་དང༌།  རང་ཉིད་བློས་གཏོང་ཐུབ་པའི་མི་རྣམས་ཀྱིས་ང་ལ་ཡིད་ཆེས་བློ་གཏད་བྱས་པའི་མིང་ཐོག་ནས་ཨོསི་ལོར་  Oslo ཡོང་བ་ཡིན།  ངས་ནོར་སྤེལ་ཞི་བདེ་གཟེངས་རྟགས་འདི་ཞི་བདེ་དང༌།   ཕན་ཚུན་བར་སྤུན་ཟླའི་འདུ་ཤེས་འཛིན་རྒྱུར་དགའ་བའི་འགྲོ་བ་མི་ཚང་མའི་ཚབ་བྱས་ནས་དང་ལེན་བྱེད་ཀྱི་ཡོད།
 

ཨ་རིའི་འཇོར་རྗེ་ཡ་མངའ་སྡེའི་ཨ་ཀྲི་ལམ་ཀྲེས་གྲོང་ཁྱེར་ནང་ཡོད་པའི་སློབ་དཔོན་མར་ཏིན་ལུ་ཐར་ཁིན་འཁྲུངས་སའི་ཁང་པ། པར་རྒྱག་མཁན་དཔལ་ལྡན་རྒྱལ།

ཨ་རིའི་འཇོར་རྗེ་ཡ་མངའ་སྡེའི་ཨ་ཀྲི་ལམ་ཀྲེས་གྲོང་ཁྱེར་ནང་ཡོད་པའི་སློབ་དཔོན་མར་ཏིན་ལུ་ཐར་ཁིན་འཁྲུངས་སའི་ཁང་པ། པར་རྒྱག་མཁན་དཔལ་ལྡན་རྒྱལ།

བསྒྱུར་མཁན་གྱི་གསལ་བཤད།
སློབ་དཔོན་མར་ཏིན་ལུ་ཐར་ཁིན་ (Martin Luther King, JR)  ལ་ནོར་སྦེལ་ཞི་བདེའི་གཟེངས་རྟགས་ཐོབ་སྐབས་ཁོང་དགུང་ལོ་སོ་ལྔ་ཡིན།  གང་ཟག་སྒེར་བ་གཅིག་ལ་ནོར་བེལ་ཞི་བདེའི་གཟེངས་རྟགས་ཐོབ་མཁན་ལོ་ན་ཆུང་ཤོས་དེ་ཡིན་པ་རེད། ཁོང་ལ་གཟེངས་རྟགས་འདི་ཐོབ་ནས་ལོ་༢༥་རྗེས་གོང་ས་རྒྱལ་བ་རིན་པོ་ཆེ་ལ་གཟེངས་རྟགས་འདི་ཐོབ་ཡོད་པ་རེད།



9 Comments so far ↓

  1. བོད། ཤ་ཁྲག་རུས་གསུམ་ says:

    སྐུ་ཉིད་ཀྱིས་དུས་དང་རྣམ་པ་ཀུན་ཏུ་མིང་དོན་མཚུངས་པའི་ཟིན་བྲིས་སྤེལ་བཞིན་འདུག་པ་དེར་དགའ་བསུ་ཡོད་ལ། བོད་ནང་གི་སྤུན་ཟླ་དག་གིས་ཀློག་འདོད་ཆེ་བ་ཡང་ཟིན་བྲིས་འདི་འདྲ་ཡིན་ངེས་རེད།

  2. ཁྱེད་ཀྱིས་མཐོང་ཆེན་གནང་བར་ཐུགས་རྗེ་ཆེ།

  3. jamyang says:

    ཆེས་བཀུར་བར་འོས་པའི་སྐུ་ཞབས་དཔལ་ལྡན་རྒྱལ་ལགས། དེ་རིང་ང་འདིར་ཆེད་དུ་ཁྱེད་ལ་དགོང་དག་ཞུ་བར་ཡོང་བ་ཡིན། དང་བོར་ཧི་གཟུགས་ཟིན་བྲིས་སུ་འགྲོ་འདོད་བྱས་ཀྱང་གཏན་ནས་ཁ་ཕྱེ་ཐུབ་མ་སོང་།
    སྤྱིར་ཁེ་སྔོན་ཁྱེད་ཀྱིས་བདག་ལ་བཞགས་པའི་མཆན་བུ་དེར་བྲེལ་དབང་གིས་དེ་ཉིན་ཡག་པོ་མ་བལྟས་སྟབས་༼ཨ་མདོ་བ་༽ཟེར་བ་དེ་སྐུ་ཉིད་ཡིན་པ་མ་ཤེས་དེ་རིང་བསྐྱར་ལྟ་བྱེད་དུས་ཧ་གོ་སོང་དེ་ནས་འདིར་ཆེད་དུ་གཅར་བ་ཡིན། བདག་ལ་མཚོན་ན་རང་སྟོབས་ཀྱིས་བོད་ནང་གི་སྤུན་ཟླ་དག་གི་རེ་བ་སྐོང་ཐུབ་པ་ཞིག་གཏན་ནས་འབྲི་མི་ཤེས། དེའི་ཕྱིར་ཀློག་ན་རིན་ཐང་ཆེ་ཞིང་ཁོང་ཚོའི་ལག་ཏུ་རྙེད་དཀའ་བ་རེ་འདི་ནས་འོས་སྦྱོར་བྱེད་ཐུབ་ན་ཕན་ཁྱད་ཅུང་རེ་མེད་དམ་སྙམ་ནས་ངས་ཐོག་མར་༼ང་ལ་རྨི་ལམ་ཞིག་ཡོད།༽ཅེས་པ་དེ་དང་དེ་རྗེས་༼ནོར་བེལ་ཞི་བདེའི་གཟེངས་རྟགས་བཞེས་སྐབས་ཀྱི་གཏམ་བཤད།༽བཀོད་པ་ཡིན། དེ་གཉིས་བསྒྱུར་མཁན་སྐུ་ཉིད་ཡིན་པ་ལོས་ཤེས་དེ་མ་ཟད་ཆོག་མཆན་ཞུ་རྒྱུའང་ཡིད་ལ་འཁོར་སོང་། རེད་དེ་ལེ་ལོའི་དབང་གིས་ལག་ལེན་བྱེད་མ་ཐུབ་པ་དེ་ལྟར་རེད། དེའི་ཕྱིར་དེ་རིང་འདི་ནས་དགོངས་འགལ་ཡེ་མེད་གནང་རོགས་ཞེས་ཞུ་རྒྱུ་དང་རྗེས་སུའང་བླངས་དོར་གྱི་དགོངས་འཆར་གང་མང་ཅེས་ཀྱང་གནང་སྐྱོངས་ཡོང་བར་ཞུ། ཞེས་འཇམ་དབྱངས་སམ་་་གངས་འཁྲེན་གྱིས།

  4. jamyang says:

    གོང་གི་བསམ་འཆར་རམ་མཆན་བུ་དེ་འཇམ་དབྱངས་སམ་་་་གངས་འཁྲེན་གྱིས་དགོངས་སེལ་བཅས་ཕུལ་བ་ལགས་སོ། །

  5. འཇམ་དབྱངས་ལགས།
    ཐུགས་རྗེ་ཆེ། ཉིད་ཀྱིས་བསྒྱུར་རྩོམ་དེ་དག་ལ་མཐོང་ཆེན་བྱས་ནས་ཧི་གཟུགས་ཟིན་བྲིས་ནང་བཀོད་པར་ཐུགས་རྗེ་ཆེ། རྩོམ་ཡིག་འདི་དག་བོད་ནང་གི་བོད་མི་ཚོས་བལྟ་ཀློག་བྱེད་རྒྱུ་གལ་ཆེན་པོ་རེད། ང་ཚོའི་བོད་ཀྱི་སྤྱི་ཚོགས་ཁྲོད་མི་གཞན་པའི་རྣམ་དཔྱོད་ཀྱི་རྒྱུ་དངོས་བདག་དབང་ལ་བརྩི་བཀུར་བྱེད་པའི་གོམས་སྲོལ་མི་འདུག མ་མཐའ་ཡང་རྩོམ་ཡིག་ཞིག་བརྒྱུད་བཀོད་བྱེད་ན་རྩོམ་པ་པོ་སུ་ཡིན་བཀོད་དགོས་པ་རེད། དེ་རིང་ཁྱེད་ཀྱིས་དམིགས་བསལ་མཆན་བུ་བཞག་ནས་དགོངས་དག་ཞུས་པར་བཀའ་དྲིན་ཆེ་ཞུ།

  6. འབའ་ལུ་གུ says:

    གོང་གསལ་མ་ཁྲན་གྱི་གསུང་བཤད་བོད་བསྒྱུར་བྱས་པ། ངའི་བལྟས་ན་བོད་ཀྱི་སྥྱི་ཚོགས་འདིས་རང་ཡུལ་རང་བདག་གི་འགྱུར་བ་མེད་པའི་སྙིང་སྟོབས་ལ། མིག་སྨན་མིག་ཐོག་གི་ཕན་ཁྱད་ངེས་པར་ཏུ་ཡོང་ཐུབ་པའི། ད་དུང་འདིས་རིགས་གང་མང་གནངས་པར་ཐུགས་རྗེ་ཆེ།

  7. ཕེབས་པར་དགའ་བསུ་ཞུ།

  8. rikpa says:

    བཀྲ་ཤིས་བདེ་ལེགས།

  9. CHIME IN ITALY says:

    thanks very much, paden la.
    tashi delek,

བསམ་ཚུལ་འབྲི་རོགས།





*