ཚེས༢༤ནས༢༦བར་ང་རང་ཉིག་ཡོག་གྲོང་ཁྱེར་ནང་ཡོད་པའི་ཀོམ་ལོམ་པི་ཡ་སློབ་གྲ་ཆེན་མོའི་བོད་ཀྱི་ནང་ཆོས་ལ་མཁས་པ་སློབ་དཔོན་ཐར་མིན་ལ༌ཐུག་འཕྲད་དང༌། དེ་བཞིན་བོད་ཀྱི་ཁང་པ་དང་། རོ་པིན་འགྲེམས་སྟོན་ཁང་གི་འབྲེལ་ཡོད་མི་སྣར་ཐུག་འཕྲད་ཀྱིས་གནས་ཚུལ་རྒྱུས་ལོན་དང༌། ལྟ་བསྐོར་དུ་སོང་བ་ཡིན། གནས་ཚུལ་ཞིབ་ཚགས་འབྲི་རྒྱུར་དུས་ཁོམ་མ་བྱུང་བས་པར་གྱི་ལམ་ནས་གནས་ཚུལ་ངོ་སྤྲོད་བྱེད་འདོད་བྱུང༌། ཉིག་ཡོག་གྲོང་ཁྱེར་ནང་མི་གྲངས་ས་ཡ་བརྒྱད་དང་འབུམ་གསུམ་ལྷག་གནད་སྡོད་བྱས་ཡོད་པའི་འཛམ་གླིང་གི་གྲོང་ཁྱེར་ཆེ་ཤོས་ཞིག་ཡིན་པ་མ་ཟད། འཛམ་གླིང་གི་དཔལ་འབྱོར་དང༌།་རིག་གཞུང་གི་ལྟེ་གནས་ཞིག་ལ་ངོས་འཛིན་བྱེད་ཀྱི་ཡོད་པ་རེད། གྲོང་ཁྱེར་འདིའི་ནང་དུ་བོད་རིགས་མི་གྲངས་དྲུག་སྟོང་ཙམ་ཡོད།
རོ་པིན་འགྲེམས་སྟོན་ཁང་ནི་བོད་གཙོས་པའི་ཧི་མ་ལ་ཡ་རི་བརྒྱུད་ཀྱི་རིག་དངོས་འགྲེམས་སྟོན་ཁང་ཞིག་ཡིན།
བོད་ཁང་ནང་ཡོད་པའི་མ་ནི་འཁོར་ལོ།
བྲེལ་ཟིང་ཆེ་བའི་ཉིག་ཡོག་ཁྲོམ་གཞུང་དུ་གོང་ས་མཆོག་གི་སྐུ་པར།
རང་དབང་ལྷ་མོ།་༡༨༨༥ལོར་ཕ་རན་སིས་ཨ་རིར་རང་དབང་ཐོབ་ནས་ལོ་བརྒྱ་འཁོར་བའི་དྲན་རྟེན་ལེགས་སྐྱེས་སུ་ཕུལ་བ་དང༌། གནས་འདི་ནི་འཛམ་གླིང་གི་རང་དབང་མཚོན་པའི་གནས་ཞིག་ཏུ་གྱུར་ཡོད་པས་ལོ་ལྟར་ཡུལ་བསྐོར་བ་ས་ཡ་མང་པོ་གནས་འདིར་ཕེབས་བཞིན་ཡོད།
ཉིག་ཡོག་གྲོང་ཁྱེར་གྱི་མཚན་མོའི་ཡུལ་ལྗོངས།